Video
Read full review
2019-12-09
14312 views
喺美國好紅既Red Lobster終於黎港開張，對於我呢個在海邊長大既Seafood Lover梗係即刻黎試下啦。餐廳位於名店坊近海傍位，我地星期日就晨早黎都要等1.5小時，好彩留低左電話，差唔多到店員會打番電話你，最後快左等左1小時到。入到去先知原來餐廳都有兩層的，不過上層無開，所以下層人山人海架都！睇睇餐牌，價錢算十分抵，而且係英國餐廳，所以份量十足，大家千祈唔好眼闊肚窄，否則就好似我地咁要打包番屋企啦。唔知係唔係新開張，所以好似無收加一服務費，我地自己另外俾左10%到既tips，因為d staff個個都好friendly，自動加水、問你意見、推薦菜式、介紹上菜、講笑等！Cheese Biscuits這芝士鬆餅係下菜後免費贈送的。也是必食之一，超鬆軟既口感，而且咸香口味好岩我，芝士同牛油既油粉均勻地混入麵團中，正，好想食多幾個，不過要留肚食main dishes。Calamari $48此乃最抵食之小食$48，我在香港未食過咁大碟既炸魷魚呢！薄薄既炸漿包住白色鮮魷，係魷魚肉身同魷魚鬚都有的，兩個部分兩種口感，正！記得加鮮檸檬汁，增添味道！Lobster, Shrimp, Crab
餐廳位於名店坊近海傍位，我地星期日就晨早黎都要等1.5小時，好彩留低左電話，差唔多到店員會打番電話你，最後快左等左1小時到。
入到去先知原來餐廳都有兩層的，不過上層無開，所以下層人山人海架都！
睇睇餐牌，價錢算十分抵，而且係英國餐廳，所以份量十足，大家千祈唔好眼闊肚窄，否則就好似我地咁要打包番屋企啦。唔知係唔係新開張，所以好似無收加一服務費，我地自己另外俾左10%到既tips，因為d staff個個都好friendly，自動加水、問你意見、推薦菜式、介紹上菜、講笑等！
Cheese Biscuits
這芝士鬆餅係下菜後免費贈送的。也是必食之一，超鬆軟既口感，而且咸香口味好岩我，芝士同牛油既油粉均勻地混入麵團中，正，好想食多幾個，不過要留肚食main dishes。
Calamari $48
此乃最抵食之小食$48，我在香港未食過咁大碟既炸魷魚呢！
薄薄既炸漿包住白色鮮魷，係魷魚肉身同魷魚鬚都有的，兩個部分兩種口感，正！記得加鮮檸檬汁，增添味道！
Lobster, Shrimp, Crab Dip$88
唔好以為又係酒吧叫到平平無奇既粟米片，係內有乾坤，啖啖鮮味呢！
呢pat醬先係精華，入面白色一絲絲既係蟹肉，面頭有龍蝦肉，中間有蝦肉，三種海中寶貝混合芝士菠菜，用平平無奇脆口粟米片盛著都變得不一樣！
Coconut Shrimp$68
呢個夏威夷式椰子蝦我不喜歡，雖然蝦身上左椰子絲在外層，又有椰子肉dip，但我覺得太甜了。本身炸左既蝦漿已經甜，仲要加上個醬，太甜。我還是喜歡咸味的，早知香港口味黃金蝦好過！
Sirloin and Lobster Tail $298
呢個價錢通常只食到一塊牛扒，而家surf and turf真係超值啦！
西冷扒五成熟烤得恰到好處，仲有個d誘人網紋，肉身帶住滿油脂香既肥膏，大快朵頤啖啖食下，個peppercorn sauce都好襯！
後來staff幫我地點蠟燭，仲以為咁浪漫，晨咁早就點蠟燭，原來別有用心，係用黎燒住個牛油汁點龍蝦肉的！龍蝦肉爽甜彈牙，鮮味！
每人一杯cocktail，埋單都係每人$232，很抵食呢，食物服務都好，下次要黎食成隻龍蝦！
Post
