老街 (西洋菜南街)

Open Now

Now Closed

行過人多車多嘅#太子 、#旺角 ，就喺始創對面見到間食#台灣 🇹🇼嘢嘅餐廳🍽️。店舖細細，有啲台式懷舊風🥸，牆有好多台灣嘅相🎞️，不過都坐得有啲逼。今次就嗌咗🔴紅燒牛肉麵($66)、鐵路🟤雞肉燥乾椒麻拌麵($69)、🟠魚酥皮旦豆腐($40)。紅燒牛肉麵🌟🌟普普通通嘅一碗麵🍜，湯底唔夠濃郁，麵條偏硬身，唔太掛湯。不過牛肉🐮方面就幾腍，食落口感都唔錯🥳，而且有4-5嚿。最抵讚係個價錢，以喺香港食到嘅台灣牛肉麵嚟講，佢都算平嗰堆🤩。鐵路雞扒肉燥乾拌麵(椒麻)🌟🌟揀咗椒麻口味，拌完之後都幾香🌶️，食落口麵條口感都係偏硬😗，配埋肉燥食味道都唔錯。而雞扒口感嫩滑，有啲似照燒雞🐤。魚酥皮旦豆腐🌟🌟🌟一碟幾唔錯嘅冷盤😋，凍豆腐上滿滿嘅魚鬆、木魚、皮蛋🥚。豆腐有豆香味，不過食落口就有啲粉。醬汁味道甜甜地，幾夾魚鬆、皮蛋💕。