Video
Read full review
2023-05-20
991 views
[ Shake Shack ]放假去東薈城行outlet，搵餐廳時見到原來東涌都有呢間來自紐約🇺🇸嘅人氣漢堡店。提起紐約美食大家可能會諗起水牛城雞翼，而呢間漢堡店推出緊期間限定嘅「水牛城辣雞🌶🐔」風味系列，以水牛城醬汁製作雞肉漢堡、薯條及脆辣雞粒。漢堡🍔✿ 水牛城辣雞堡 $63可以選擇雞胸肉或雞腿肉，同樣咁酥脆。雞肉🐔配上酸酸辣辣嘅水牛城辣汁🌶，以及帶發酵奶微酸味嘅牧場醬，兩隻醬mix埋超惹味。配料仲有醃青瓜🥒、生菜🥬&薯仔麵包🥯，麵包口感好鬆軟。小食✿ 水牛城脆辣雞粒(6件) $43雞粒🐔以雞胸肉粒製成，外脆內嫩，唔會覺得嚡口，食落啖啖肉😛另外仲可以沾上酸酸辣辣🌶嘅水牛城辣汁。✿ 水牛城辣芝士薯條 $43「芝士波浪薯條」係呢度嘅招牌小食。而呢個期間限定小食係波浪紋薯條🍟配搭濃郁芝士醬🧀，再灑上水牛城辣粉🌶，香辣帶勁。熱辣辣香脆嘅薯條另配有秘製牧場醬享用。飲品🥤✿ 美式檸檬水(細) $27✿ 自家製芒果熱情果美式檸檬水(細) $27呢度嘅Lemonade使用新鮮檸檬汁🍋，而今次期間限定更加入芒果🥭及熱情果汁，夠哂清爽。總結🫦 呢間漢堡店嘅水牛城風味醬汁額外加咗醋同大蒜🧄，甜辣🌶濃厚得嚟
放假去東薈城行outlet，搵餐廳時見到原來東涌都有呢間來自紐約🇺🇸嘅人氣漢堡店。
提起紐約美食大家可能會諗起水牛城雞翼，而呢間漢堡店推出緊期間限定嘅「水牛城辣雞🌶🐔」風味系列，以水牛城醬汁製作雞肉漢堡、薯條及脆辣雞粒。
漢堡🍔
✿ 水牛城辣雞堡 $63
可以選擇雞胸肉或雞腿肉，同樣咁酥脆。雞肉🐔配上酸酸辣辣嘅水牛城辣汁🌶，以及帶發酵奶微酸味嘅牧場醬，兩隻醬mix埋超惹味。配料仲有醃青瓜🥒、生菜🥬&薯仔麵包🥯，麵包口感好鬆軟。
小食
✿ 水牛城脆辣雞粒(6件) $43
雞粒🐔以雞胸肉粒製成，外脆內嫩，唔會覺得嚡口，食落啖啖肉😛另外仲可以沾上酸酸辣辣🌶嘅水牛城辣汁。
✿ 水牛城辣芝士薯條 $43
「芝士波浪薯條」係呢度嘅招牌小食。而呢個期間限定小食係波浪紋薯條🍟配搭濃郁芝士醬🧀，再灑上水牛城辣粉🌶，香辣帶勁。熱辣辣香脆嘅薯條另配有秘製牧場醬享用。
飲品🥤
✿ 美式檸檬水(細) $27
✿ 自家製芒果熱情果美式檸檬水(細) $27
呢度嘅Lemonade使用新鮮檸檬汁🍋，而今次期間限定更加入芒果🥭及熱情果汁，夠哂清爽。
總結🫦
呢間漢堡店嘅水牛城風味醬汁額外加咗醋同大蒜🧄，甜辣🌶濃厚得嚟夠哂開胃。聽店員講呢個期間限定嘅水牛城辣雞系列做到6月24號，鍾意食水牛城味道嘅朋友快d去試吓啦！
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Shake Shack
地址：東涌達東路20號東薈城名店倉地下
G20號舖
電話：2987 1728
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
