放下素 (Closed)

平時食開太多肉有啲熱氣又易有肚腩😖，想食清淡啲健康啲，所以黎「放下素」試一試素食自助餐，晚市每人一百蚊左右就可以入座😝同其他自助餐唔一樣，因為環保既關係，每人只會獲發一套餐具，自己循環再用♻️，減少浪費講返食物，呢間社企好著重食客既健康，用既食物都係純天然而非加工食品💁🏻‍♀️雖然都係素食，但食物都幾多選擇，有素漢堡扒、素pizza、沙律卷、蘇格蘭蛋、生果乾、涼粉、沙律吧等等🤭我最鐘意就係素Pizza😍，薄薄既餅底上面有濃濃既蕃茄蓉同芝士🧀，每次出爐都好快比人掃哂，食完即刻想再攞多件😋，不過記得要襯熱食，餅底先會夠脆😆另外仲有風乾水果食，要用機烘成十個鐘先會完成，職員已經一早整定一堆係度比大家攞，食落去水果味仍然好重好新鮮，小編尤其鐘意香蕉乾🍌，都係一個幾特別既體驗題外話：放下素係一間良心社企黎，入面聘請咗失聰、精神病康復者、肢體傷殘等等既員工之前係社交平台見到放下素要停業既消息，真係嚇死寶寶了，好彩最後冇事，可以繼續營業🥺 如果大家咁啱想食素，或者去開銅鑼灣，不妨去支持吓呢間對食物有份執著既社企呀💪🏻