Video
Read full review
2013-12-27
2179 views
其實係見同事推介話係旺角有間叫spark好特別，野食幾OK，叫我地放工去試下，於是見第2日星期6吾洗番工咪星期5放左工去試下.去到等左一陣就入得...地方都幾大，有VIP房同bar仲有露台.可以食食下出去食煙..都幾正!坐低左先見到果度有得BBQ！即刻問下人點知一問就問著老板.原來夜晚有四五枱任飲任食bbq又生蠔又老虎蝦好似二百幾蚊位都OK.起碼突然想燒個陣吾洗山長水遠去沙灘搵爐..哈哈..同老板吹左陣水..知佢叫呀ROY.同埋餐廳同佢細佬一齊開，仲話會親自試不同的ga酒每隔兩個月就更換一次酒，佢仲同我推介佢地代理左一隻「夜光白酒」，雖然聽個名都覺得好吸引，可惜我d同事吾飲酒就算數lu...吾知叫咩好就問佢有咩好介紹下..於是點左佢介紹d招牌菜.再點d我地覺得吸引ga野食.因為我地都幾多人去所以都叫左幾多野食..Hoegaarden煮蜆 $9xhoegaarden?我地成班都o哂..所以點個陣都問下先.原來老板覺得有d客未必想食咁重酒精，所以揀hoegarrden去煮。但食落酒味淡淡地。都幾睇個人口味，如果鐘意淡酒味ga人不妨一試水牛雞翼 $6x呢碟水牛雞翼真係食過番尋味，好快就俾我地
坐低左先見到果度有得BBQ！即刻問下人點知一問就問著老板.原來夜晚有四五枱任飲任食bbq又生蠔又老虎蝦好似二百幾蚊位都OK.起碼突然想燒個陣吾洗山長水遠去沙灘搵爐..哈哈..
同老板吹左陣水..知佢叫呀ROY.同埋餐廳同佢細佬一齊開，仲話會親自試不同的ga酒每隔兩個月就更換一次酒，佢仲同我推介佢地代理左一隻「夜光白酒」，雖然聽個名都覺得好吸引，可惜我d同事吾飲酒就算數lu...吾知叫咩好就問佢有咩好介紹下..於是點左佢介紹d招牌菜.再點d我地覺得吸引ga野食.
因為我地都幾多人去所以都叫左幾多野食..
Hoegaarden煮蜆 $9x
hoegaarden?我地成班都o哂..所以點個陣都問下先.原來老板覺得有d客未必想食咁重酒精，所以揀hoegarrden去煮。但食落酒味淡淡地。都幾睇個人口味，如果鐘意淡酒味ga人不妨一試
水牛雞翼 $6x呢碟水牛雞翼真係食過番尋味，好快就俾我地消化左仲要加多一碟..哈哈...因為覺得個sauce好唔同
北海道帆立貝.鰻魚文尼汁 $7x吉列帆立貝沒有什麼突出之處，但我有個超鐘意吃鰻魚ga同事就好愛呢個汁，個汁好重鰻魚味又有一d酸辣，又配上d香草同檸檬汁，效果好ok..
但呢間餐廳d主菜都幾大份，夠2-3人份量波士頓龍蝦占米多配拿破崙玄米飯 $24x
一上菜已被外觀吸引，紅紅橙橙勁好睇，香草和玄米飯睇起來好似個菠蘿，另外師傅一早將龍蝦分兩邊起肉..方便易食仲有好濃芝士味.....
雙胡椒烤焗西班牙黑豚豬 $13x大成班同事都幾鐘意黑豚豬，肉質幼嫩，夠哂juicy..，燒汁淋係面生色不少，真係好正.勁推薦一試！唯一美中不足是薯蓉可以吾洗煮咁溶，而呢道菜係餐廳三道廚師推介之一....
香草燒羊架 $18x羊架係上碟時已塗左芥末醬，怕芥未ga朋友(即係我)都吾洗擔心，食個陣都吾太攻鼻，另外d羊肉ok嫩又幾多汁，而且好彩無羊羶腥，睇個羊架已經知餐廳師傅都有番咁上下功力！
法式烤焗寶貝乳豬脾 $ 21x最後一道主菜係法式烤焗baby乳豬脾。
上菜個陣侍應仲特別講話係用左三3至6個月大ga西班牙乳豬，因為低脂肉嫩.健康d，睇到燒到油亮皮脆..肉軟漏油。乳豬脾顏色又好睇..即刻忍吾住食..果然入口即溶，個種滑溜..juicy 足夠令我再番黎食234次la..
終於到我最愛ga甜品..北海道牛乳奶凍雖然只有北海道牛乳奶凍同柚子果凍兩隻揀...但我本來就好鍾意食panna cotta...好快就揀左呢隻甜品la..食落去都幾滑身同細膩都ok...
Other Info. :
不過好彩個日我地早到..如果吾係應該要等...所以下次我去都會book定位先...
(The above review is the personal opinion of a user which does not represent OpenRice's point of view.)
Post
