Video
Read full review
2008-05-08
26 views
0係九龍城最唔應該出街食飯0既鐘數出街食飯, 見呢度有位就求其入了0黎. 天氣太熱, 搞到無晒胃口, 簡單叫個皮蛋瘦肉粥 ($14) 加碟炸兩 ($8) 就算.先0黎皮蛋瘦肉粥, 好大碗... 粥底少少稀, 一般綿, 不過配料 (皮蛋, 肉絲, 冬菜, 花生, 蔥花) 夠多, 味道可以, 食落唔口渴, 算係咁啦.炸兩原來又係一大碟, 比起尋日0係德記的巨一倍! 腸粉一般薄, 不過都幾滑; 入面的油條就愈食愈唔脆 (ie 食第一件, 油條仲有少少脆; 第二, 三件起就係腍的), 而且豉油實在落得好重手, 油條「入晒味」, 鹹得不能接受. 唯一好處, 應該係可自助落甜醬及花生醬.環境幾惡劣, 地下濕溼溼, 食具 / 餐牌黐笠笠, 唯有快快食完鬆人; 招呼就無乜特別.$22 食份量十足的一餐, 勁平, 不過感覺麻麻, 試過就算了.食完呢度, 唯一結論係: 下次都係返德記吧啦.
先0黎皮蛋瘦肉粥, 好大碗... 粥底少少稀, 一般綿, 不過配料 (皮蛋, 肉絲, 冬菜, 花生, 蔥花) 夠多, 味道可以, 食落唔口渴, 算係咁啦.
炸兩原來又係一大碟, 比起尋日0係德記的巨一倍! 腸粉一般薄, 不過都幾滑; 入面的油條就愈食愈唔脆 (ie 食第一件, 油條仲有少少脆; 第二, 三件起就係腍的), 而且豉油實在落得好重手, 油條「入晒味」, 鹹得不能接受. 唯一好處, 應該係可自助落甜醬及花生醬.
環境幾惡劣, 地下濕溼溼, 食具 / 餐牌黐笠笠, 唯有快快食完鬆人; 招呼就無乜特別.
$22 食份量十足的一餐, 勁平, 不過感覺麻麻, 試過就算了.
食完呢度, 唯一結論係: 下次都係返德記吧啦.
Post
