Green Tech Cafe (Closed)

Tea time時分同朋友嚟呢一間全素店食佢嘅下午茶， 好少見下午茶係用素食做主題，今次搵到呢間仲要地理位置十分方便，香港大學地鐵站行只需要5分鐘就已經可以到達，餐廳裝橫 寬敞明亮， 座位亦都舒適，絕對係下午茶嘅好地點。入到去睇完menu，發現原來佢竟然有三層架 下午茶，而且價錢十分抵， 兩個人都只需只係需要198蚊，而且已經包飲品，無論係咖啡或者茶都可以選擇，如果想要佢嘅有機奶特飲只需要加差價28蚊就已經可以升級。三層架第一層有迷你漢堡包， 素魚子沙律三文治， 佢嘅迷你漢堡包好juicy， 雖然只係茄子同蔬菜，但係感覺好特別。三文治配素魚子都好似，第二層有炸雞腿，其實係炸腐皮卷，食落口感好得意， 幾好食， 佢嘅素串燒口感都好似肉咁。 第三層就係甜品有朱古力鬆餅同純素芝士蛋糕， 特別欣賞係佢嘅芝士蛋糕好香濃嘅芝士味，口感好似正常cheesecake，一啲都唔覺係純素芝士蛋糕。 另外飲品方面我哋叫咗柚子蜜同洋甘菊花茶，花茶十分香濃，而柚子蜜亦都調配得剛剛好。