莆田 (Closed)

今日去左探搬左入馬鞍山既小H，去完佢間新屋後坐左陣後就去左佢屋企樓下附近搵食，就咁睇原來呢度都好多新的餐廳，但係就網上見評價呢間唔錯就食喇。點咗幾個我自己都沒食過嘅，當試新野了小H好鍾意食魚，所以就叫左個招牌菜--百秒黃花魚，魚新鮮口感鮮嫩，黃花魚做法加湯我覺得都好鮮，唔需要太多配料就只係用薑蔥，一D都唔腥就系甘食先食到魚嘅鮮魚的滑，100秒煮時間就系甘岩岩好~此外亦點左另一招牌菜--九轉小腸，勁入味，第二就係爽口有D淡淡酒味，小腸可以甘做都算系唔錯。之後就都係招牌菜--興化炒米粉，莆田特色興化米粉,條細如絲潔白如銀，質佳味美，瘦肉，香菇，蝦仁，幹貝再加鮮蝦。口感豐富，隻蝦夠大啖啖肉！我就點左蝦苗拌頭水紫菜，呢個冷盤係微酸中好有鮮味，而且仲好清爽，當中的紅尾蝦苗細嫩鮮美，尤是滋味~最後仲點埋呢個一品紫菜煎，賣相就真係麻麻地，但係食落好香口，完全無諗過紫菜都可以咁樣煎黎食，我自己就真係無食過，我覺得自己翻去可以試試，唔知可唔可以都好似呢度一樣煎得咁好味咁鮮呢