靚靚健康素食車仔麵 (Closed)

女友到了尖咀辦點事, 我就過去探一探, 看看什麼情況. 之後她未行得開. 我便獨個兒去食飯. 在金巴利街附近, 心想食素, 就自然想起呢間素食車仔麵. 入到去, 佛學人家開的店通常都比較親切. 大姐安排我坐下, 亦介紹一下今天的特餐. 不過, 我都是朝車仔麵呢個方向去探索. 拿起紙仔, "tick, tick, tick". 如果招牌不是打正做素食. 個車仔麵紙真的可以騙到人. 因為完全是普通車仔麵配料既寫法. 我點了 芝士腸, 炸大腸 同 冬菇, 再加腩汁, 若不是講明我今餐食素, 人人都以為我在食葷.芝士素腸, 口感當然同真正香腸不同. 不過芝士味好夠. 證明來料不差. 素大腸, 其實以前都食過, 是蒟蒻製品. 不知落了些什麼呢, 雖食得出是素, 但那味道就真的似足. 冬菇就非常之靚, 同夠香口夠味. 而且麵底既油麵, 爽爽的, 不錯啊. 素食麵, 來得健康, 味道亦好, 有時發現素食館不用開在繁華鬧市, 茹素的人會自動找來. 今餐味道雖好, 但唯一一個要彈的, 就是豆漿, 水味太重.小店亦播著一些佛教音樂, 而且, 不是那些什麼 呢啦吡吧吽 果D, 而是一首輕快的佛教流行曲. 不