素菲亞 (安發大廈) (Closed)

堅尼地城呢一帶有好多裝修得好靚嘅新餐廳，今日喺呢度附近收工，就過嚟試下。青蘋果茉莉綠茶，富青蘋果香而帶有微酸，非常醒胃。無花果茉莉綠茶，無花果同茉莉嘅味道夾埋一齊竟然有少少似山楂未，個感覺幾得意。黑松露野菌闊條麵，黑松露味道非常香濃，野菌嘅數量好多，起碼有成十幾粒，鐘意食菇菌類嘅我非常滿足。鬼馬肉醬意粉，肉醬裏面嘅肉用上咗女神林嘉欣賣廣告嘅新豬肉，好肉嘅我完全食唔出佢唔係真正嘅豬肉嚟，呢隻新豬肉無論口感同味道都同真嘅豬肉一模一樣。紅莓蘋果撻，味道好似我細個好鍾意食嘅雅樂B紅莓餡餅 啲童年回憶返哂嚟。