素年 (三陂坊)

Open Now

Now Closed

前排去過深水埗嗰間食過，對佢個冬陰意大利粉念念不忘，路過荃灣諗住去荃灣店再食。點知已經賣晒 😭，唯有試新野。叫左泰式不可能肉碎意粉，真係超級勁好味，對於一個食得辣嘅人佢好夠辣，唔食得辣咪亂試。我唔係一個食素嘅人，不過佢嘅素肉像真度好高，同一般肉碎無異，意大利炒得夠乾身，加埋蕃茄仔，酸酸地又夠辣，一試難忘。我另外仲叫左個芫茜意大利飯，打爛晒嘅芫茜用黎煮意大利飯，每口都係芫茜味，我未係第二個地方見過呢類野食，鍾意芫茜同鍾意試食新野嘅人真係要一試。無論係菜單定味道都有新衝擊，本人大推丫。