The Joomak (Closed)

食過 The Joomak幾次，原來最近同Green Common合作推出全新韓式素菜Menu 💚素炸雞無論賣相和口感都同炸雞有幾分相似！外層以香脆豆卜包裹著素肉，咬落外脆內軟，仲好juicy~加上惹味韓式甜辣醬，再配以爽口青瓜、脆杏仁片，層次豐富，挺開胃的。食素炸雞飲返杯「巔峰狀態」先！特飲以superfood--羽衣甘藍、新鮮菠蘿、薄荷葉製成，表面放上杞子和韓薑，入口清新怡人。 仲可以按個人口味選擇每杯羽衣甘藍份量的比例，3.0 ($68) 係最濃郁，2.0 ($63) 為適中，1.0 ($58) 就較淡，怕草青味可以試下1.0。紫菜飯卷包裹著素雞肉，配上醃黃瓜、紅蘿蔔絲、青瓜絲，口感爽脆。表面更以杏仁片作點綴，整體感覺清新。麻藥燒粟米係非常受歡迎的菜式之一，對「麻藥」感到有點好奇，原來係芝士粉加辣粉，表示好食到會上癮的意思。剛剛燒好的粟米熱辣辣，甜粟米撒上惹味「麻藥粉」，芝士溶溶地滋味十足！素菜Menu仲包括翡翠韭菜煎餅、山薊菜飯，全部以獨立的素炸爐製作。