EFG Eat for Green (Closed)

如果另一半食素，但自己想食肉，唔使分開食嘅，觀塘呢間餐廳一次過滿足晒食素同食肉嘅慾望！嚟緊情人節，餐廳仲有情人節套餐添~🐔 香煎春雞配雞燒汁 晚市套餐跟沙律同飲品，雞肉份量都多，而且肉質偏嫩，口感唔會鞋身，搭配濃郁嘅燒汁食，再配上薯條同沙律，滿足得嚟又唔會有太大罪惡感。🥑 牛油果素雞肉意大利粉作為牛油果愛好者，意大利粉掛汁之餘，仲充滿牛油果香，意粉內有唔少牛油果肉，素雞肉口感都似一般雞肉，而且食到濃濃芝士香同橄欖油香，整體口感幾Creamy、豐富。🧊 焦糖脆脆咖啡咖啡面有滿滿嘅焦糖脆脆，可以邊食焦糖脆脆邊飲咖啡，亦可以將焦糖脆脆融化喺咖啡中，焦糖脆脆中和咖啡嘅甘，甜甜地易入口。