Green Common (如心廣場二期) (Closed)

最近見到好多餐廳賣新餐肉🐖，其實我都唔知咩嚟，今日就有機會食吓👍。Green Common係一間新派素食西餐廳，食物唔係傳統齋舖咁油膩 ，口感及賣相都做到似真肉。新肉絲三色炒意肉絲就係用新餐肉，原來新餐肉係由植物材料製成，脂肪同熱量較低，仲含有膳食纖維。食落質地微微煙韌，有真餐肉嘅薰香味🥰。但由於要做到有肉香味，所以調味料就會多少少。其他配菜有椰菜、紅椒、黃椒、紅蘿蔔🥕，非常健康。意粉有彈牙口感。呢款係BF素食，即係無五辛（大蒜、小蒜、蔥、韭菜同洋蔥），食後讓人心境平和。未來豬柳漢堡配薯條未來豬柳係素肉，仿真肉度好高，差啲以為食緊真肉，同樣係BF素食。用羽衣甘藍做漢堡包就食唔到佢嘅微苦味道，又好健康。粗薯條係即叫即炸，香脆可口。以前覺得食素嘅款式選擇好少，味道又寡😞，但今日發現原來食素都有好多精美款式選擇，視覺同口感都可以得到大滿足，值得推廣。