The Joomak (Closed)

唔知幾時開始出現咗GREEN MONDAY呢個風氣，所以好多時星期一都想食清啲。而咁啱身邊又有由細食素到大嘅朋友，耳濡目染之下都食得健康咗。今晚同佢一齊報完工聯嘅興趣班，就過咗黎食飯。適逄星期一呢度又有個素食自助餐推出，二話不說就坐咗入黎，哈哈。餐牌選擇當然唔係話十分之多，但絕對樣樣都有啲，實有啱口味嘅食物。因為落雨關係有啲寒冷，所以先點咗個部隊鍋驅一驅冷意。鍋子細細大概係1.5人份量，所以食完都唔會太滯。材料都有即食麵／泡菜／豆腐及年糕等，味道甜酸辣均衡，幾唔錯。當然常見嘅午餐肉／香腸都轉晒做素製品，但味道差不多唔會唔夾。食完熱野當就轉食多啲飽肚嘅食物，紫菜手抓飯一定必點，香口紫菜配上芝麻油及暖暖地嘅飯，好好食，中間再沾上一啲韓式辣醬，滋味再上一層。麻醬雪耳沙律。入面有少食嘅冰菜／雪耳／韓國水梨等，爽脆口感之餘味道酸酸地，好開胃。麻醬配上柚子醋大大將部隊鍋嘅油膩帶走。燒素鰻魚。味道真係幾可亂真。豆腐皮配上厚身紫菜做成鰻魚嘅質感，入口結實混和醬汁真係以為自己食緊照燒鰻魚。芥未素炸雞。一次有三粒唔會令人食完太漏。素雞肉香口之餘，配上芝士粉及芥未十分惹味。雖然係炸物但唔太覺油膩。幾唔錯。素