Green Common (屯門鄉事會路) (Closed)

呢間有唔少分店，而呢間係屯門新開既，主打健康素食，係藝人陳貝兒同朋友合資經營既。餐牌選擇唔多，對比出面同樣食物，但唔係素食，呢度價錢相對貴。 叫左個未來熱狗試試，味道雖然冇咩特別，份量都相對細，但食落質感同味道，同食肉食既熱狗差唔多，唔講都唔知係素食。而佢個包都係自家制架，素食既朋友可以放心食用。雖然貴就貴左d, 但勝在食得健康，食少d肉，對地球都算出左一分力呀而且仲可以影相呃like添。順帶一提，每食滿一百蚊，憑收據可以係佢個便利店corner 買野當10蚊用架。