Green Tech Cafe (Closed)

今次去左西環一間無五辛素食餐廳，同朋友食晚飯。餐牌上面好多正野，有漢堡，薄餅，意粉，真係同去西餐廳無咩分別。首先，南瓜湯係好易入口，南瓜味濃郁。之後我地叫左個經典未來漢堡配薯條，剩係個名都夠特別，呢個漢堡食落同用牛肉整嘅漢堡無乜分別，因為佢地用左beyond meat，質感同味道可以話係還原度極高，我可以講食呢個漢堡可以取代我平時食個啲。薯條夠熱，香脆可口，正。另外，仲有意式三重純素芝士薄餅，芝士味濃，食完沒罪惡感，成件事好健康。飲品我地仲揀左蘋果羽衣甘藍西芹杏仁奶同埋焦糖咖啡，好飲。