巧饍坊(素食)

Open Now

Now Closed

見到個二人餐幾啱食，所以就叫咗～價錢好抵，而且食物好豐富！▶️足料老火湯（兩碗）老火湯夠味，而且熱辣辣。素湯滋潤。▶️精美點心是日係鴛鴦餃: 綠色係菠菜皮、另一款係原味。每款兩粒。餃子餡有菇、粉絲、高麗菜等，爽爽地口感。▶️精美餐前小食麻辣青瓜及黑木耳，前菜辣辣地開胃。▶️6款小菜選3款士多啤梨生炒骨好似咕嚕肉嘅味道，係炸咗嘅腐皮卷及蓮藕。酸酸地嘅醬汁，咬落香脆，好味！麻婆豆腐，豆腐非常之滑，配上少少辣嘅醬汁，好惹味，撈飯一流！濃湯珍菌粉絲浸菜苗，呢個清清地，而且仲有粉絲，非常健康！套餐有白飯及是日甜品。是日甜品係木瓜雪耳糖水夠晒滋潤！