Video
Read full review
2021-03-04
862 views
又嚟介紹下灣仔有咩dinner options，點解又係灣仔呢，冇錯呀又係OT喇🥲🥲OT得多即係坐得多，所以要食返健康啲嘅晚餐，減低無做到運動嘅罪疚感，今次就係外賣app見到呢間主打健康素食嘅Mana！Starstreet，主打唔同配料嘅wrap、salad box同健康小食等。Build Your Own Flat (Wholemeal Flat, Halloumi cheese, Avocado, Baby Spinach, Hummus, Kale)雖然叫flatbread其實都係wrap嚟，可以揀半條或者全條，其實半條再加少少小食都超級飽🤰🏻，女仔食半條已經夠。除咗幾款set好嘅配搭之外仲可以係幾十種配料自選，我就叫咗中東哈羅米羊奶芝士（素）、牛油果、嫩菠菜葉同鷹嘴豆蓉，仲額外加咗羽衣甘藍，個wrap包得好實凈，入面係滿滿嘅配料，好足料，超多菜😂好健康而且爽口新鮮，鷹嘴豆蓉都好多，口感好滑，用嚟代替醬汁就健康啲，口感又豐富啲，牛油果就少少生不過都接受到，另外個芝士第一次食，感覺都幾特別，口感完全唔似芝士🤣反而係好實淨好似雞肉咁🤪有奶香不過唔算好濃芝士味。個包食落都有麵粉香。Ra
Build Your Own Flat (Wholemeal Flat, Halloumi cheese, Avocado, Baby Spinach, Hummus, Kale)
雖然叫flatbread其實都係wrap嚟，可以揀半條或者全條，其實半條再加少少小食都超級飽🤰🏻，女仔食半條已經夠。除咗幾款set好嘅配搭之外仲可以係幾十種配料自選，我就叫咗中東哈羅米羊奶芝士（素）、牛油果、嫩菠菜葉同鷹嘴豆蓉，仲額外加咗羽衣甘藍，個wrap包得好實凈，入面係滿滿嘅配料，好足料，超多菜😂好健康而且爽口新鮮，鷹嘴豆蓉都好多，口感好滑，用嚟代替醬汁就健康啲，口感又豐富啲，牛油果就少少生不過都接受到，另外個芝士第一次食，感覺都幾特別，口感完全唔似芝士🤣反而係好實淨好似雞肉咁🤪有奶香不過唔算好濃芝士味。個包食落都有麵粉香。
Rainbow Yams with Didi's Chutney
呢個蕃薯條對於無論追求健康定好味定邪惡嘅人都啱，order wrap要加$40，呢個價錢絕對合理，因為份量好多又好味，坊間一般見到嘅蕃薯條都係好幼身脆卜卜咁，呢個就切到好粗，咬落入面好粉，口感好正😍😍，可以揀唔同嘅醬料，不過一定要試下唔點醬咁食，食到好天然蕃薯嘅香甜味。我叫咗呢個辣醬都幾辣🥵係好刺激帶點蒜味好西式嘅辣醬味道，唔食得辣真係唔好叫lol，不過點蕃薯食又係幾惹味嘅😗
PS個蕃薯條係同同事share一半，就算一半都係超飽～
人均消費：$90
推介指數（10分為滿分）：8.5分
Post
