素菲亞 (大富樓) (Closed)

來大角咀有好多食店，但係如果要㨂素食的話選擇較少，今次選左Sofia。睇返發現原來呢間素食店之前係第二區有分店，但結業左。今次因為食飯時間較少，同埋想試個「素食威靈頓」，所以預先whatsapp左餐廳落定order，店職員都十分樂意安排pre order。向來都好喜歡有酥皮既食物，所以今次就㨂左「素食威靈頓」（$238），平時食開的威靈頓，都係肉製品，今次呢個係素食，對我來講都幾吸引，想知會唔會做到肉味得來又健康好食個「素食威靈頓」用木盤上，配上沙律及芥末醬，因為新鮮焗起食起好熱辣辣，幾好食！入邊既肉係用左植物肉同大啡菇代替，幾有肉汁的。略嫌不足既係個酥皮做得一般，不是太酥脆有層次，其次係切開後酥皮同菇、植物肉會散開，較難可以一食過夾到來吃 個人覺得，芥末醬好搭配，整體來說不錯！只係整份既份量不大，女仔一人夠吃，男仔就應該會不夠飽，建議如4人以內既飯聚，都不妨可以點呢個大家share食跟餐有一杯飲品送，我點了無糖茉莉花茶，飲品夠熱，有茶味，OK!另外一提，店見有無糖、無香精、色素的餅乾，同埋有茶包賣，對無添加食物有興趣的可以留意一下