Video
Read full review
2019-01-23
173 views
放工好多時都8點後,返屋企又食唔切飯,好多時都係外出食飯。外出食飯少菜多肉,食得太又唔健康,又易濟。偶爾都要清清腸胃,加上友人係呢間餐廳有員工優惠,可以85折埋單,就兩個人黎左呢到食飯。明亮既燈光配上淺色既配色,再加上寬落既空間,整個環境都比人一種輕快時尚既感覺。過往大家諗起食素就只會諗起食齋,係老一輩先會食。而呢度既設計再加上佢地獨特既菜式,完全改變我對食素既舊有看法。呢到既素食樣樣都好新潮,有飯有麵,仲有漢堡包熱'狗薯條ETC...真係估唔到食素都可以咁多選擇,而且賣相都好吸引,完全睇唔出係素食。MENU上有特別推介一樣叫做"未來香腸"既素食,仲有幾款佢既菜式。我就揀左個熱狗黎食,友人就揀左海南雞飯食。未來熱狗腸蘑菇炒意粉($79)new蕃茄醬意粉再加香腸。個醬幾香茄味,酸中帶少少辣。而未來熱狗腸係超好食!!!完全食唔出係素,無論外型,口感同埋味道都同肉香腸好似,而且佢好似有少少烤過既味。我相信另一個菜式-“未來熱狗”應該都會好好食。海南米走雞-海南植物雞配黃薑飯 ($78)賣相又係好靚。佢既雞肉應該係有秀珍菇係裡面,相對地個口感無咁似,但外型都做到7成似雞肉架啦!亦有3種醬汁比你
明亮既燈光配上淺色既配色,再加上寬落既空間,整個環境都比人一種輕快時尚既感覺。過往大家諗起食素就只會諗起食齋,係老一輩先會食。而呢度既設計再加上佢地獨特既菜式,完全改變我對食素既舊有看法。
呢到既素食樣樣都好新潮,有飯有麵,仲有漢堡包熱'狗薯條ETC...真係估唔到食素都可以咁多選擇,而且賣相都好吸引,完全睇唔出係素食。MENU上有特別推介一樣叫做"未來香腸"既素食,仲有幾款佢既菜式。我就揀左個熱狗黎食,友人就揀左海南雞飯食。
未來熱狗腸蘑菇炒意粉($79)new
未來熱狗腸蘑菇炒意粉
$78
40 views
0 likes
0 comments
蕃茄醬意粉再加香腸。個醬幾香茄味,酸中帶少少辣。而未來熱狗腸係超好食!!!完全食唔出係素,無論外型,口感同埋味道都同肉香腸好似,而且佢好似有少少烤過既味。我相信另一個菜式-“未來熱狗”應該都會好好食。
海南米走雞-海南植物雞配黃薑飯 ($78)
賣相又係好靚。佢既雞肉應該係有秀珍菇係裡面,相對地個口感無咁似,但外型都做到7成似雞肉架啦!亦有3種醬汁比你點,分別係泰式酸辣醬,蔥油醬同埋甜醬油,如果嫌唔夠味既話可以點黎食,咁就會更加似食緊海南雞飯啦!
泡沬咖啡(杏仁奶) （$18）
泡沫咖啡（杏仁奶）
$18
19 views
0 likes
0 comments
呢到係主打健康同埋盡量無添加既食物,所以佢地既咖啡係用左較低脂肪及添加劑既杏仁奶。杯咖啡有好重既杏仁奶味,十分香。大家未必會飲得慣,因為杏仁奶味會蓋過咖啡,但我幾鍾意呢種飲法。(可能因為我本身唔係特別好咖啡)
呢到野食份量算多，符合返價錢質素，
GREEN COMMON完全係打破左我對於素食只係個D又紅又橙,酸酸油油既齋既舊觀念,而且各種類型既菜式亦吸引到肉食者去試下素食~偶爾健康一下,食食素,GREEN COMMON會係一個好選擇。
呢到仲有好多素食產品及一些天然&環保日用品買,市面上未必可以見到的。亦都值得黎選購一下。
Post
