Video
Read full review
2021-10-02
600 views
放Lunch 去咗試呢間素食拉麵店，雖然間鋪要行到入去條巷差唔多最入嘅位先見到，但個日去到嘅時候已經有好多食客排隊。坐低之後即刻落單，叫左個四菇濃湯嘅拉麵，配料就揀咗(1) 白菜冬菇木耳餃、(2) 自家製溏心蛋同埋(3) 滷水猴頭菇。麵一嚟到就即刻試咗啖湯底先，啖湯飲落去有少少杰身，但我覺得浸菇味唔算好突出。猴頭菇炆到好冧，溏心蛋啱啱好，反而個白菜冬菇木耳餃有驚喜，食落去好爽口清新，值得一試。不過，個豆卜索唔到啲湯汁，變咗食落去嘅時候乾噌噌，有少少扣咗分。成個拉麵盛惠98蚊，同其他拉麵店收費差唔多，貴唔貴就見仁見智啦，不過喺中環食飯都差唔多呢啲價位上落嘅。
坐低之後即刻落單，叫左個四菇濃湯嘅拉麵，配料就揀咗(1) 白菜冬菇木耳餃、(2) 自家製溏心蛋同埋(3) 滷水猴頭菇。
四菇濃湯三餸拉麵
$98
73 views
0 likes
0 comments
麵一嚟到就即刻試咗啖湯底先，啖湯飲落去有少少杰身，但我覺得浸菇味唔算好突出。猴頭菇炆到好冧，溏心蛋啱啱好，反而個白菜冬菇木耳餃有驚喜，食落去好爽口清新，值得一試。不過，個豆卜索唔到啲湯汁，變咗食落去嘅時候乾噌噌，有少少扣咗分。
成個拉麵盛惠98蚊，同其他拉麵店收費差唔多，貴唔貴就見仁見智啦，不過喺中環食飯都差唔多呢啲價位上落嘅。
Other Info. :
有少少人手不足嘅情況，Lunch Hour得一個樓面，又要執枱，又要招呼客人，又要收銀。不過喺咁嘅情況之下，侍應嘅服務態度都好好，對住客人完全無唔耐煩嘅表現，值得一讚！
(The above review is the personal opinion of a user which does not represent OpenRice's point of view.)
Post
