素菲亞 (安發大廈) (Closed)

呢幾日食到好飽，所以就想同朋友試吓啲素食，想食得健康啲！去完西環影相之後我哋就搵咗呢一間又有得打卡，又有得食素嘅餐廳！最特別嘅係呢度啲款式，我係出面啲餐廳都冇見過，而且都唔油膩。首先我哋食咗一個黑松露豆腐配薯條，佢個黑松露豆腐炸到好似肉餅咁，黑松露個味都好出，配合埋豆腐嘅口感，會覺得自己好似食緊肉咁！而上面亦都有啲酸酸甜甜嘅配菜，令到個味道升咗一個層次！佢側邊嘅薯條同沙律都水準中上。至於另外一款紅咖喱魚黑糯米飯，真係好有驚喜！首先佢啲黑糯米飯煮得啱啱好，軟身而且唔會覺得好滯！而佢啲汁係有少少中藥味道，酸甜得來好少會食到呢個味道。魚方面佢口感有啲似鯪魚肉完全唔覺得自己食緊素咁🤩 除咗有得打卡之外，待應好有禮貌，環境都好舒服😌