Video
Read full review
2016-03-08
1048 views
今晚做個孝順女，帶媽咪去食素。 因為媽咪信觀音，平時初一十五都會自己煮齋黎食，聽到我話肯陪佢食素，佢開心到不得了。 一心素食喺觀塘工業區，入面都幾大，好多枱可以容納好多人，仲有卡位可以坐。 留意到呢個素食盤菜，都幾新穎，冇諗過原來盤菜都可以變為素食，不過盤菜要預早訂購，所以今日都係食返普通野。 Menu有散叫同餐，其實散叫既野喺餐入面都有，所以叫餐相對地抵d，不過4人餐怕食唔哂，所以揀左2人餐再加多個餸。 前菜: 冷麵冷麵帶有芝麻醬及wasabi味，唔會好攻鼻，都幾清新。 姬松茸豆腐羹有d似碗仔翅，入口都係杰身，入面有姬松茸，菇類，荀同豆腐。豆腐唔係平時見到既軟豆腐，而係豆腐乾。姬松茸亦係養生之選，可以增強身體免疫力。豆腐羹咸度剛剛好，加埋醋更能帶出佢既味道。 牛蒡湯水餃牛蒡湯好清，水餃較淋身，入口同平時食既肉餃唔太似，好似食緊粉團，而水餃皮不夠薄，只屬一般。 菠蘿咕嚕肉素咕嚕肉炸粉唔多，食落口感覺似真係食緊肉，比出面真既咕嚕肉冇咁炸同油膩，個汁令人好開胃。 石鍋雜菌茄子猴頭菇石鍋一黎到仲滾緊熱辣辣，整個鍋味道濃郁，d汁好惹味，茄子亦都好多，猴頭菇食落口有d似雞肉，唔講
因為媽咪信觀音，平時初一十五都會自己煮齋黎食，聽到我話肯陪佢食素，佢開心到不得了。
一心素食喺觀塘工業區，入面都幾大，好多枱可以容納好多人，仲有卡位可以坐。
留意到呢個素食盤菜，都幾新穎，冇諗過原來盤菜都可以變為素食，不過盤菜要預早訂購，所以今日都係食返普通野。
Menu有散叫同餐，其實散叫既野喺餐入面都有，所以叫餐相對地抵d，不過4人餐怕食唔哂，所以揀左2人餐再加多個餸。
前菜: 冷麵
冷麵帶有芝麻醬及wasabi味，唔會好攻鼻，都幾清新。
姬松茸豆腐羹
有d似碗仔翅，入口都係杰身，入面有姬松茸，菇類，荀同豆腐。豆腐唔係平時見到既軟豆腐，而係豆腐乾。姬松茸亦係養生之選，可以增強身體免疫力。豆腐羹咸度剛剛好，加埋醋更能帶出佢既味道。
牛蒡湯水餃
牛蒡湯好清，水餃較淋身，入口同平時食既肉餃唔太似，好似食緊粉團，而水餃皮不夠薄，只屬一般。
29 views
0 likes
0 comments
菠蘿咕嚕肉
素咕嚕肉炸粉唔多，食落口感覺似真係食緊肉，比出面真既咕嚕肉冇咁炸同油膩，個汁令人好開胃。
石鍋雜菌茄子猴頭菇
石鍋一黎到仲滾緊熱辣辣，整個鍋味道濃郁，d汁好惹味，茄子亦都好多，猴頭菇食落口有d似雞肉，唔講都唔知自己食緊素。
蟲草花羅漢上素齋
色彩繽紛，包含左幾款唔同既菜喺入面，好似一個菜既雜錦，仲有枝竹，雲耳一齊煮，蟲草花係健康食品，主治眩暈耳鳴、久咳虛喘。味道煮得唔濃，清清地食個菜都唔錯。
30 views
0 likes
0 comments
一心炒飯
炒飯味道唔係好濃，入面有蛋白，雜菌同瓜類，炒得乾身帶少少咸味，食落比較清淡，用黎配濃味既餸菜都幾好，而且份量好多，多到食唔哂。
20 views
0 likes
0 comments
甜品: 忌廉泡芙
叫左2人餐都比4粒我地，幾好，可以每人食一粒，大家都食得好滿足。
估唔到呢度夜晚都咁多人食，而且食既人都好年輕，可能而家大部分人都注重健康飲食。
Post
