品蓮素食 (Closed)

平日聽到素食都會say no ,因為好耐之前試過其他, 味道好假好奇怪, 但咁岩今日約朋友佢全家食開素, 佢又推介依間就試一試啦!!店面普通, 但坐位算多又闊落, 都舒服既..依個朋友既芙蓉蛋,蛋煎得好香口, 有少少燶邊, 不過有少少太厚粉, 不過味道都係唔錯既!!我既梅菜扣肉, 個樣望落麻麻因爲一睇就知唔係真肉, 但食落味道好真, 口感都好似, 梅菜好甜, 估唔到食落係幾好味, 送飯一流添! 經過今次依餐令我對齋菜改觀, 搵機會下次再試多幾樣餸先！