珍豆漿 (Closed)

之前我做pt間公司樓下有一間珍豆漿，但開業無幾耐就話裝修到宜家都無再開返。雖然唔會係超超超好食，但三餸飯係食得過既。而灣仔呢間好似已經有開左兩三年啦，都係最近行過去買鞋先有幸一試，我選擇左當日午餐素菜餃鳥冬，真心覺得個湯底同水一樣咁清，連個烏冬都無咩味。好彩個烏冬麵質可以接受，如果又唔彈牙又無味就大獲。D素菜餃子都大大隻，餡料都豐富既，相信有適當調味後會好食。但唯一刁弱點係個皮太易穿；不論你幾細力夾都好,甚至乎唔夾佢都會散開曬。當日我係用左點海南雞飯既辣椒醬點先夠味。建議日後用下青菜或冬菇淆下湯。