北方餃子源 (砵蘭街)

Open Now

Now Closed

每次去到旺角油麻地果頭就會想食珍心素食，但可惜佢地收得早，夜少少就已經冇得食，好彩都有啲非素店提供唔少素食選擇，北方餃子源就係其中一間。用得餃子黎做生招牌，就緊係要食下啲餃子啦，鐘意食香口野既我一定會叫煎餃。煎素菜餃拎到上黎有少少嚇親，個餃前係半煎炸feel，熱氣指數以幾何級上升。個皮夠哂脆卜卜，個餡都仲好夠水份，唔會好乾，有啲蘿蔔呀木耳之類既基本野。個豆瓣醬稍為鹹左少少，點好少好少就已經夠味。素汁炆冬菇好正呀！啲冬菇炆到好稔，又吸收左好多汁，隻隻脹卜卜好飽滿，食落去好滿足。啲菜飯都做得好好，菜既size唔會太大，啲飯加左少少油咁，好香口但又唔會太油膩。麻醬撈麵冇乜特別，不過個麻醬似平時天使bb果隻，所以可能有蛋奶，vegan要注意呀。