神經餵飼 (Closed)

幾年前黎過一次神經餵飼，果陣坐左喺閣樓既塌塌米，有少少似去左日本旅行既感覺。當時食左一個鋪滿左好多色彩縯紛既食用花既Toast，印象好深刻。最近聽朋友講佢地有出素食，咁啱經過就入去試下。晚市唔算多人，唔洗等位。Menu上面既食物種類唔多，其中一個係素食。黎之前上Openrice睇左個menu，lunch time既雜菌豆腐飯係$75，晚市多左個湯就要$98，一個湯收多$23，都幾貴。味噌湯味道非常淡，得兩三舊豆腐，海帶都冇，誠意欠奉。豆腐雜菌飯既飯同餸係分開上，餸既汁非常鹹。個餐牌寫住佢地既味道係偏淡，但個汁真係好鹹，就算撈埋飯一齊食都仲係好鹹，最後要撇左啲汁黎食先搞得掂。個豆腐唔係盒裝豆腐，係街市豆腐檔賣果款，唔知係咪處理得唔好，一食落口就有好大陣石膏粉味，食完個口入面會覺得唔舒服果種。Overall個飯唔多okay....牛油果青蘋果沙冰不過不失，其實都只係將啲水果blend好整個smoothie，有個blender就做到，冇乜特別。後來聽人講餐廳換左個廚，所以食物質素差左。希望佢地可以檢討下，重拾以往既水準。