Video
Read full review
2020-12-15
682 views
自從成為vegan之後，身邊既朋友結婚時都會好主動咁幫我安排素食，婚禮完左後都會再確認我係咪有野食，真心覺得好幸福。本身搞婚禮已經好多野搞，加上疫情，婚期一拖再拖，喺安排座位同流程都多左好多變數，喺依個時候都仲記掛住我有冇野食，真係好感動。今次朋友既婚禮喺中環The Murray入面既Popinjays舉行。酒店都好貼心，除左提供酒精搓手液，仲有lotion可以比客人滋潤下對手。去到餐廳都一再提醒除左食野之外都要戴口罩，確保大家既安全。觀禮之後可以就坐食野。每一枱都分隔開一段距離，保持social distancing。坐低左之後職員就即刻黎確認我係食素既，之後好快就上菜喇。先黎既係Garden Salad，有多款沙律菜、櫻桃蘿蔔同牛油果，醬汁方面就落左意大利香醋，係一道簡簡單單既開胃菜。上湯之前職員再確認我係要走奶同芝士，之後就送上左依碗Creamless Roasted Tomato Soup。個湯本來配左芝士同炸麵包粒，走左芝士就得返蕃茄。湯係用蕃茄熬成既濃湯，加埋sun dried tomato，就另到個湯多左啲層次感。不過我唔小心一啖食哂成粒sun dried tomato，
今次朋友既婚禮喺中環The Murray入面既Popinjays舉行。酒店都好貼心，除左提供酒精搓手液，仲有lotion可以比客人滋潤下對手。去到餐廳都一再提醒除左食野之外都要戴口罩，確保大家既安全。
觀禮之後可以就坐食野。每一枱都分隔開一段距離，保持social distancing。坐低左之後職員就即刻黎確認我係食素既，之後好快就上菜喇。先黎既係Garden Salad，有多款沙律菜、櫻桃蘿蔔同牛油果，醬汁方面就落左意大利香醋，係一道簡簡單單既開胃菜。
上湯之前職員再確認我係要走奶同芝士，之後就送上左依碗Creamless Roasted Tomato Soup。個湯本來配左芝士同炸麵包粒，走左芝士就得返蕃茄。湯係用蕃茄熬成既濃湯，加埋sun dried tomato，就另到個湯多左啲層次感。不過我唔小心一啖食哂成粒sun dried tomato，陣鹹味同酸味濃到講唔到野，建議大家分開幾啖同埋連湯一齊品嚐會好啲。
主菜係Portobello Mushroom Panini，餡料包括大啡菇、羽衣甘藍、車厘茄同洋蒽。本身個羽衣甘藍係有cream，同埋會落Comté cheese，veganis左之後就變左做個咖喱醬，都幾特別喎，仲冇cream同芝士咁漏添。薯條有濃郁既黑松露香，其他唔係食素既朋友都比佢吸引到。主菜既份量太大，一個人絕對食唔哂。
比較可惜係冇甜品，如果有啲vegan cake或者pudding作結就更好。疫情持續左成年，好多人既婚禮已經一再延期，而部分餐廳只準改期一次，有啲甚至唔比改期，令到新人要硬住頭皮去解決問題。依段期間結婚既人都辛苦喇，希望大家經歷完依個挑戰後，感情會更加堅固。
Post
