Video
Read full review
2020-11-17
110 views
文青風既cafe越開越多，依家連素食店都趕上埋文青熱潮。素年既裝修幾適合打卡，但可惜有用餐時限，冇左文青果種隨性既感覺。主打純素甜品既moono既格調都唔錯，但如果想食埋正餐既話，一禪絕對係首選。位於九龍城廣場既一禪有種旺中帶靜既感覺，鋪內空間感充足，枱與枱之間有適當既距離，令客人有返啲私人空間。喺餐廳最入面仲有一張榻榻米，幾有特色。食物方面既選擇都好多，而且仲會不時更新menu，大家隔一段時間黎又有得試新野。另一樣吸引我黎既當然係佢地既蛋糕啦，每日都會有2-3款無蛋奶蛋糕揀，亦都係不時有新款，鐘意食甜野既人就啱哂。Lunch set包湯同野飲，唔好似為跟餐送既野就會好hea，依個磨菇湯真係超好飲，用料足啖啖都係濃郁既菇香，而且佢地用左應該唔只蘑菇，仲有其他菇菌，令到個香味更加突出。主菜亦都好有特色。日式烤野菜咖喱配椰菜花飯用打碎左既椰菜花代替飯，減少碳水化合物既同時又可以保持到飽肚感，如果自認飯桶都可以要求改返做白飯，好有靈活性。因為係日式咖喱，所以唔會好辣，仲有少少偏甜。啲野菜有好多款，包括蓮藕、脆玉瓜、茄子、薯仔同蕃茄仔，不過啲茄子就略為生左少少，要焗耐啲先得。以前食過啲zood
位於九龍城廣場既一禪有種旺中帶靜既感覺，鋪內空間感充足，枱與枱之間有適當既距離，令客人有返啲私人空間。喺餐廳最入面仲有一張榻榻米，幾有特色。食物方面既選擇都好多，而且仲會不時更新menu，大家隔一段時間黎又有得試新野。另一樣吸引我黎既當然係佢地既蛋糕啦，每日都會有2-3款無蛋奶蛋糕揀，亦都係不時有新款，鐘意食甜野既人就啱哂。
Lunch set包湯同野飲，唔好似為跟餐送既野就會好hea，依個磨菇湯真係超好飲，用料足啖啖都係濃郁既菇香，而且佢地用左應該唔只蘑菇，仲有其他菇菌，令到個香味更加突出。
主菜亦都好有特色。日式烤野菜咖喱配椰菜花飯用打碎左既椰菜花代替飯，減少碳水化合物既同時又可以保持到飽肚感，如果自認飯桶都可以要求改返做白飯，好有靈活性。因為係日式咖喱，所以唔會好辣，仲有少少偏甜。啲野菜有好多款，包括蓮藕、脆玉瓜、茄子、薯仔同蕃茄仔，不過啲茄子就略為生左少少，要焗耐啲先得。
以前食過啲zoodles，一般都係冷盤咁，因為本身唔係特別鐘意食沙律，所以好少食。但一禪既羽衣甘藍意大利青瓜意粉竟然唔係冷盤，佢唔算好熱，有啲微溫咁，不過已經夠令人喜出望外。啲青瓜麵好爽脆，配埋個自家製白汁，仲有烘烤過既蓮藕。連續兩個主菜都有用到蓮藕，但就呈現左兩種唔同既風味。
食完主菜終於可以食甜品喇。甜品櫃入面有兩款蛋糕，因為食完兩個main已經幾飽，喺二選一既情況下揀左焦糖梨子蛋糕。鬆軟既蛋糕中間夾住左梨同埋純素忌廉，每一啖都食到梨既香甜味道。面頭既焦糖脆脆更令人諗起曾經風靡一時既天使蛋糕，喺做左vegan後食得返以前既味道，真係好令人感動。
Lunch set跟餐仲有野飲跟餐仲有野飲﹐唔係好識飲咖啡既我亂點一通，叫左一杯piccolo，覺得有少少苦。Google完先知完來piccolo係比latte少啲奶，但又冇expresso咁苦，喺兩者之間取得平衡既產物。不過我諗我都係適合飲latte多啲
走既時候見到有曲奇餅賣，仲要係Mrs Fields果種軟心曲奇，即刻買左兩塊返屋企做下午茶。辣椒碧根果朱古力曲奇有少少辣味，都幾得意，畢竟平時食開既曲奇都只有甜、甜同甜。另一塊海鹽朱古力曲奇就帶少少鹹味，兩款曲奇都有別於傳統曲奇，鐘意試新野既人一定要試下。
Post
