佛慈齋素食館

Open Now

Now Closed

放假諗住黎食點心，點知晏左起身，急急腳黎到已經冇左好多點心。蒸點基本上都冇哂，主要得返啲炸野。一場黎到，雖然選擇少啲，都照食啦。啲炸野都開始有少少凍，不過都仲係咁脆。春卷平時都成日有得食，冇乜特別，反而個荔茸角就真係要試，好耐都冇食過喇！軟淋淋既芋蓉同脆卜卜既表層好夾，細細件又唔會太濟。炸雲吞大大件，蘸埋個甜酸汁食，其實同不時既炸雲吞冇乜大分別。咸水角個皮夠煙韌，啲料都好足，幾好味。四寶扎既餡普普通通，有啲素肉咁，突然好想食返尚齋有猴頭菇做餡既雞扎呀。喺幾樣食物之中，魚片腸粉係最有特色果樣。首先，就算係食緊肉果陣都未試過用魚片整既腸粉，其次就係都真係有少少魚片既口感同味道，一試無妨。同好多傳統中式齋鋪一樣，依度啲阿姐都會問要唔要食糖水，細細碗唔係非常美味，但都有啲人情味。