每日

Open Now

Now Closed

素食自助餐越開越多，真係令人花多眼亂。最近疫情影響下自助餐都大受打擊，所以「每日」都因應疫情做左啲措施，除左量體溫依啲基本野，仲會要求客人攞野食果陣要帶口罩同埋手套，令大家安心啲。一黎就食下啲炸野同小食先！Burger仔塊扒竟然係塊蓮藕，估佢唔到。最鐘意係果塊唔知咩名既綠色餅，好香口又唔會漏。椒鹽粟米幾特別，切到細細舊咁方便入口。㑼欖菜炒飯整得好好，以前自己整過好油淋淋，但依個炒得好乾身，啲飯仲粒粒分明。依度啲蛋糕多數都有蛋奶，好彩有啲中式糕點都叫做有甜品食，個薑汁糕好正，超煙韌同埋薑味好足。飯後果都有唔少選擇，啲西瓜略嫌切得太大舊。純素雪糕唔多，同埋都唔平，估唔到依到有得任食。依個牌子未見過，味道都唔算出色，但有依個選擇提供都已經好好。仲有個碗仔翅同胡椒蘿蔔湯唔記得影相，但兩個其實都好正！星期五六日晚市168蚊一位，耐唔時一次都唔錯。