從心素食 (漆咸道南) (Closed)

母親節帶埋母親同母親個母親一齊食飯，食中菜就啱哂。相比起傳統中式齋鋪，從心既裝修冇咁老土，餐牌上面既食物都比較新穎。不過要提下大家，依度既防疫措施係極hea。入到去冇人幫食客探熱，枱與枱之間既距離只夠阿姐攝入去，如果好怕傳播病毒既話就唔建議去住喇，等疫情過左先啦。講返啲食物，牛肝菌餃子煎得好靚，當然我地都唔會傻傻以為個餡會有好多牛肝菌，個餡以白菜為主，味道都唔錯既。竹笙四季翅用料足，似係靚料版既碗仔翅，一窩四個人分完都仲有剩，好有分量。第一次食白木耳，比普通木耳爽口。通常依味菜都會配下啲蚌，個白木耳剛好可以複製果種口感。避風塘腰果茄子脆豆腐既避風塘口味未夠勁，可以再加多兩錢肉緊整惹味啲。啲豆腐同茄子炸得啱啱好，脆卜卜又唔會太油。我本身係唔食苦瓜既，平時鐘意食苦瓜既母親就話個苦瓜苦左少少。我就覺得個豉汁既豆豉味可以再濃少少。嗱依個福建飯大家真係要小心，唔係話佢唔好食，以係落單前後一定要confirm阿姐有冇落啱order。已經講左唔食蛋要走蛋，但阿姐係完全冇理到。後尾問返朋友先知叫左走蛋既話張單係會顯示喺張單到，而我張單係冇寫到，即係阿姐做漏野...總括黎講係幾好食，但喺疫症下真係要跟足