從心素食 (漆咸道南) (Closed)

剛想起新年又會大魚大肉，所以新年前想食健康少少，清少少。中午在 Openrice 找到呢間齋舖，上到去我是第一個客人。由於係周末，在網上睇 menu 睇到的 lunch set 都無了，一個人來講偏貴，所以叫了日式甜咖喱豬扒蛋包飯。大概 10-15 分鐘 上菜吧，味道不錯，也很飽肚。配上蕎麥茶，午餐整體來講好舒服。臨近下午一點就開始人多了。

平時經過好想試，試左幾道菜。准生芝麻餅：好多芝麻，好香，外脆內厚肉，准山容好滑，熱辣辣，正😄泰式併盤：店員推介，好肉羊肉串，雞既味，咖哩角最好味，又脆又多咖哩醬😋素叉燒片皮鴨：叉燒味道超，蜜汁濃，值得讚係個包，好好味，必食菜！😃其他唔多講，無咩特別，呢度好就係送糖水，服務好，坐得舒服，茶好飲，款式多。🥰

每星期六日都去尖東跳舞所以漆咸道一帶都成了搵食目標朋友介紹上樓的素食餐廳星期日下午通常都坐滿客人有時也要等大約10至20分鐘不過值得的首推猴頭菇素菜湯這個湯有濃濃的胡椒香味猴頭菇鬆軟但有質感原來係咁好食嘅必吃之選啊鮮果沙律🥗用料新鮮不是普通的蔬菜沙律囉分量大大份好滿足好怕很多食肆總是小小的一點沙律菜根本不夠吃生炒骨完全有肉味炸得很酥脆的 好味㗎最後必須介紹我最喜歡的牛油多士這款多士是同類型素食店的必然選擇這家的出品也接近滿分💯其實試過很多其他菜式全部都是合格之選只是忘記拍照

午市Walk in 場內好寬敞 冇乜人 可以隨便任坐😉睇餐牌都有好多好特別既菜式 好有創意🤞所有套餐都包1個主食+1杯飲品/例湯 & 3蚊茶錢🤗鮮果軍艦壽司拼盤 ($62 + 1)共有4款唔同既水果 望落去好靚 好岩打卡用..🤣🤣食落感覺有d奇怪 佢配既醬汁係豉油+芥末🤨水果點豉油芥末食...又咸又甜..其實唔係好match😅呢種滋味試一次就夠喇😆😆⋯⋯

在尖東運動後忽然想食清淡一點的....路經漆咸道, 望到有間素食小菜館, 被小小的玻璃飾櫃嘅食物吸引住, 雖然門口細細, 仲需要行樓梯步上閣樓, 我和兩位朋友都想一試🥰而且看見下午茶時段,還有折扣優惠呢😍餐廳雖是在閣樓地方, 但座位寬敞及整潔, 還有一幅長型玻璃可以望到街外景觀招牌胡椒勝瓜猴頭菇煲$98喜歡胡椒味的朋友,一定滿意,胡椒湯味道適中, 特別炮製的猴頭菇更是一試難忘😋黑松露鮮牛油果焗多士$48略嫌牛油果味道被黑松露味蓋了點, 再配以芝士,口感及味道特別豐富西柚鮮果雜菜沙律$78材料豐富,沙律配以柚子汁,口味清新,食材夠新鮮👍梅子酸辣骨$98傳統的咕嚕肉味道,但不會太酸,容易入口及有開胃的感覺,因為知道是素食,所以不怕有肥肉, 大口大口的吃也很安心😆原來素排骨都那麼有肉質嘅口感

上次已經簡介過廳餐既環境~咁今次就直接開吃啦🤣🤣芝士吞拿魚烤菇白汁焗意粉 ($68 + 1)呢個係一個好足料既意粉🤗🤗芝士仲起絲既😉食落好好味 調味做得好好🤓注意番..呢間應該係一間素食餐廳..所以應該完全冇肉既(我估..)🤣🤣吞拿魚食唔出係由咩食材整成既..但味道&口感同平時食既完全唔一樣..比較偏咸🙂但其實呢個配搭好好味😋總體來說 呢個意粉都好好味~我係成碟食曬架🥰午市時間可以常來光顧

老婆話今日幫咗佢拎晒成喼帳薄返公司，晏晝餐飯就佢請，小弟當然欣然接受，不過，餐廳都喺等番佢揀，佢就揀咗「從心素食」，因為佢想我試試呢度嘅「片皮鴨」，佢之前同朋友試過，覺得非常有特色。 地鋪有外賣專櫃，而堂座就設晌樓上，上到去，裝修簡約，一室中菜小館嘅格局，光猛企理，最好喺啲枱櫈唔會排到密麻麻，而且，又無滿天神佛咁，加上當時人客唔多，客人亦比較斯文，所以，感覺寧靜、舒服。遇着初一齋期，無晒啲午市套餐，餐牌只有兩個，一個喺「廚師精選、時令推介」，另一個喺2、4、6人嘅「精選套餐」，本來想揀精選套餐，但老婆話兩人份嘅份量都多，佢怕食唔晒，所以，最後都改為散點。 順帶提一提，茶錢$10位，啱啱坐晌近沖茶位，睇得見有普洱、鐵觀音、香片及較少會晌呢類型餐廳會出現嘅蕎麥。所有茶葉都喺以獨立茶袋裝好，所以，沖茶唔會沖到啲茶葉出嚟。 招牌蜜汁叉燒配片皮鴨（跟掛包6件） $118老婆今日指明要叫俾我試，喺佢嘅真心推介，老實講，兩個人食確喺有點多，最好就喺3個人試，因為附送嘅掛包有6件。啲蜜汁叉燒真喺好似樣，而啲片皮鴨外觀比較黑，當然要加少少幻想當佢喺片皮鴨啦，不過，兩者份量都幾多，堆滿一大碟。先淨食啲叉燒

一個外賣午餐居然要等二十多分鐘。。而當時只要一、兩個外賣。對上班一族來來説是完全不能接受。尖沙咀區内還有很多素食餐館，價錢，水準比這店高的也不少，倒不如到其他素食店轉轉口味吧！

今日！同老婆突然間想去食素食，住油尖旺區既我，近近地，選擇左去位於尖沙咀的，從心素食。本來係想食日本魚生係例的，但因為當晚要焗霧，暫時日本吧的食品都沒有供應。最後叫左：西檸雞，腐皮鴨，避風塘炸大腸，紅燒豆腐煲，四道餸。先講講西檸雞：西檸汁正路，素雞肉質極似麥樂X。唔錯既腐皮鴨：成件事就唔會似鴨，但外皮鬆脆，加埋入面爽口既料，係好味既避風塘炸大腸：炸大腸外觀勁似，口感似冇肥肉既大腸，連埋炸蒜食，送酒一流。紅燒豆腐煲：送飯既一味，豆腐熱油落，把外皮鎖實，所以好夾唔易散，加上有啲菌類加多口感同鮮味，份外淋滑四道餸，整體介得推介

唔知從心素食同大自然素食係咪同一個老闆，佢地個menu都幾似。明明係食素，但個menu入面竟然可以有各款肉類同海鮮既section，真係叫人嘖嘖稱奇，絕對係齋口唔齋心既表現。不過作為一個愛動物既人，理得啲人個心齋唔齋，只要唔傷害動物就ok喇。啲素肉同素海鮮都多添加劑，同埋好多都有蛋奶成份，而依啲中式素食店通常都淨係mark邊啲菜式有蛋，又唔會mark奶，所以對vegan黎講素肉都係少食為妙。於是我地就淨係叫左一款係有素肉既。沙嗲羊肉串配木綿豆腐既羊肉係大豆做既素肉，幾有咬口，沙嗲醬既花生醬味好出，啱哂我依啲花生醬控。木綿豆腐加埋啲醬食都幾夾。芝麻香橙骨係用猴頭做既，非常香口，外脆內面都仲好juicy，份量都唔算少，幾滿意。雜菜咖喱包啲餡好澎湃，切果陣係咁湧出黎。如果個汁可以杰啲就好，太稀瀉到四圍都係，食到有啲呢hea。食飽阿姐會送糖水，不過我地已經好飽，就此謝過阿姐美意。唔知係咪疫情關係，週末夜晚去個場都唔full，唔book都可以唔洗等就入座。香港既餐廳要努力撐住呀，希望好快見到曙光啦。

今次係第二次幫襯，呢度素食款式多，有中式日式越南式都有，叫左越式春卷，日式壽司同玉子燒，加個紫菜湯，味道非常好味，不是一般齋舖，所以我比較喜歡呢種fusion 素菜既選擇。

兩年前食過新蒲崗同尖沙咀兩間餐廳，食物質素一般，食食下每況愈下，就連當初肯聽下意見到聽完都唔肯改之後，真係無再幫襯了。高興嘅事係，佢哋終於作大改進，搞搞新作風。驚喜嘅係新作風比以前好食十倍，真係不得不推薦一下，相信係換咗廚師班底。午餐時間有新嘅菜式，除了初一十五無午市優惠，直至5月底，午市優惠做緊68折，相信係好開始，吸引番客人再試。今次外賣叫咗【魚香茄子排骨炒麵】，絕不失望，而且煮法正宗使用炒麵底，加上樣貌極似真肉嘅素排⻣，極力推薦。而中湯足料豐富，味道一流。總括，從心素食再次列入我喜愛嘅素食餐廳之一，完全改變曬以前對佢一般平平嘅觀感，一定再有下次。

新蒲崗同尖沙咀鋪相比，尖沙咀好味啲，不過新蒲崗環境好啲。雖然喺大街，但要行一條窄窄嘅樓梯上去，樓底非常矮，其實應該係閣樓，天花仲有少少滲水感覺，雖然環境麻麻，不過久唔久都會嚟食，因為都ok好食，除咗野食ok 佢地個麥茶都幾香，無乜喺其他地方飲過。set lunch 有中有西，有時日式都有，都算新派素食，我地今日揀咗2款都係中，係南瓜排骨煲仔飯同咖哩魚柳油酥餅。煲仔飯幾香，啱啱整起又熱辣辣，南瓜佢寫日本，不過又唔係幾似，但overall係好味嘅，咖喱唔辣，除咗有素魚柳外仲有西蘭花，椰菜花同薯仔，都好新鮮，油酥餅如其名真係幾油，有4塊。平時嚟講一個set lunch 52蚊咁嘅質素都OK, 不過留意要茶位同加1，另外原來初一同十五係無set lunch 㗎 , 我從來都唔睇舊曆，係上個月無意中嚟到先知，我呢啲唔係彿教徒真係唔知咁多呢啲行規

母親節帶埋母親同母親個母親一齊食飯，食中菜就啱哂。相比起傳統中式齋鋪，從心既裝修冇咁老土，餐牌上面既食物都比較新穎。不過要提下大家，依度既防疫措施係極hea。入到去冇人幫食客探熱，枱與枱之間既距離只夠阿姐攝入去，如果好怕傳播病毒既話就唔建議去住喇，等疫情過左先啦。講返啲食物，牛肝菌餃子煎得好靚，當然我地都唔會傻傻以為個餡會有好多牛肝菌，個餡以白菜為主，味道都唔錯既。竹笙四季翅用料足，似係靚料版既碗仔翅，一窩四個人分完都仲有剩，好有分量。第一次食白木耳，比普通木耳爽口。通常依味菜都會配下啲蚌，個白木耳剛好可以複製果種口感。避風塘腰果茄子脆豆腐既避風塘口味未夠勁，可以再加多兩錢肉緊整惹味啲。啲豆腐同茄子炸得啱啱好，脆卜卜又唔會太油。我本身係唔食苦瓜既，平時鐘意食苦瓜既母親就話個苦瓜苦左少少。我就覺得個豉汁既豆豉味可以再濃少少。嗱依個福建飯大家真係要小心，唔係話佢唔好食，以係落單前後一定要confirm阿姐有冇落啱order。已經講左唔食蛋要走蛋，但阿姐係完全冇理到。後尾問返朋友先知叫左走蛋既話張單係會顯示喺張單到，而我張單係冇寫到，即係阿姐做漏野...總括黎講係幾好食，但喺疫症下真係要跟足

叫左炒飯、咕嚕肉、咖哩、酥皮湯、羹、同埋個菜。尤其咖哩唔辣，配埋個餅啱啱好。我個人最喜歡其實係飯後送嘅紅豆沙，唔太甜又有薏米係面。total 600蚊有找好抵食。