泰國素食

Open Now

Now Closed

已經好一段時間冇黎過泰國素食喇！咁耐冇黎，當然要叫返個大拼盤食下啦大拼盤有7款食物，有米紙卷啦、春卷同蝦餅等，有啲就唔係好up得出係咩野，但樣樣都好好食架。喺一眾炸物之中，米紙卷完全係一枝獨秀，夠哂清爽。用塊葉包住果件應該係素雞，打開塊葉之後見到一舊好juicy既素雞肉，真係幾可亂真。鐘意食香口野既朋友一定唔可以錯過。我地兩個人食完個大拼盤都飽左9成，但始終要有啲飯落肚先得，所以叫左個九層塔素雞淋飯。九層塔好香，啲素雞爆香左，食落陣陣泰國風味，唔錯。另外叫左龍眼冰，不過味道一般，可以skip，如果有興趣可以試埋佢地既芒果糯米飯，不過我地就太飽，留返下次再試啦。