滕王閣素葷美食 (Closed)

第一次食滕王閣果陣，佢地喺北角，之後搬左去觀塘又食過，其後再搬去長沙灣，因為營業時間同地點有啲唔方便，所以都冇再去。依家佢地再搬左去西九龍中心，營業時間又正常返，終於又可以再黎食喇。滕王閣係一間葷素共融既餐廳，明白唔同類型素食者既需要，令素食者可以食得放心。咖喱砂窩米線既咖喱味好濃郁，隔住個口罩都聞到陣陣咖喱香味，配豆卜食一流，可以吸收哂啲汁，將味道再提升。麻酸辣薯粉都好味，但因為先食左咖喱米線，突然有一種稍稍比下去既感覺，可見個咖喱真係好出色。除左米線，估唔到仲有腸粉食！雖然想鼓勵多啲人食素，但我都唔會呃大家話個素叉腸同真叉腸係一樣。不過有得過下口癮都唔錯吖。西九龍中心既food court大部分鋪位都係用即棄餐具，好難得滕王閣會用可重用餐具。喺疫症有增無減既日子，大家用既外賣餐具越黎越多，可以既話盡量幫趁啲會用可重用餐具既餐廳，多為環保出一分力。