素味謀麵 (Moved) New Location

疫情期間食左好多外賣，製造左好多垃圾，當中大部分都係幾百年都未分解到既塑膠，好對唔住個地球。為左減輕罪疚感，唯有努力回收。今次去到素味謀麵，估唔到麵食都可以用紙製外賣盒！除左個膠盒蓋之外，其餘都係紙造既，感覺好似舒服少少。嗌外賣之前都有諗塊紫菜會唔會稔哂，估唔到會分開用既紙袋仔包住，到食果陣先放入去，都幾貼心。張紙當然係會拎去回收，盡量減少垃圾。拉麵本身配有豆卜、木耳同粟米，另外仲有得揀三個餸，我揀左西蘭花、猴頭菇同白菜香菇木耳餃。依個配搭我覺得似車仔麵多過日式拉麵，包住食拉麵既心態去食可能覺得怪怪地，但當車仔麵就覺得佢少油健康又足料。餃子有少少芫茜味，唔食芫茜既朋友記得唔好揀喇。湯底要左個四菇濃湯，仲有得揀正常定濃味，我就揀左個濃味，感覺湯底比較稠身，同埋唔似有落味精，成碗飲哂都唔覺口渴。拉麵可能因為係外賣所以變硬左，要堂食先知道佢既真正口感係點。依家去買外賣有7折，大家把握機會去試啦！如果可以就最好自備餐盒，減少用外賣盒。