藥膳刀削麵 (Moved) New Location

食素既中環打工仔一定會食過喺鐵行里既福祿壽，咁啱有人去開福祿壽見隔離開左間新鋪，就拎張menu睇下啦，結果竟然比我搵到有素食。年紀大左就開始講究養生，見到有「藥膳」依兩個字就雙眼發光，急不及待想試。藥膳湯底係由黃茋、黨參、當歸、紅棗、桂圓同枸杞熬成，淨係聽到個組合都覺得補到流鼻血。個湯好清，一滴油都冇，啱哂鐘意健康少油既人。味道就有少少甘甜，唔會太苦，容易入口。餸就以蔬菜為主，同有少少菇，如果有啲豆製品會好啲，會飽肚少少。依個食完過左兩個鐘就開始肚餓，唔係好夠飽。