章記香港仔魚蛋王

Open Now

Now Closed

啲嘢食嘅水準叫做唔錯啦！而嗰度個老闆好有禮貌態度好好，但係d侍應嘅態度就真係差好多囉！尤其係 "紥住馬尾辮梳齊陰" 嗰個侍應阿姐，佢d態度真係差到爆呀！佢睇唔順眼嘅客人嚟幫襯就成日俾面色人地睇，好似暗示話俾人知我唔想你嚟幫襯咁！！又有一次佢落單聽唔清楚問多我一次，我驚佢聽唔清楚好心答佢兩次，佢居然話 " 得喇！" ，真係好無禮貌囉！真係火都嚟埋呀🔥🔥如果佢話"哦！好！" ，咁人地條氣都順d啦！如果嗰個"紥住馬尾辮梳齊陰"嘅侍應阿姐睇你唔順眼嘅話，咁你就唔好彩喇！包你食到成肚火頂住頂住呀！