Video
Read full review
2023-10-12
3238 views
好少有啲餐廳去過冇印象，很久不見嘅朋友約食飯，地點就係紫玉蘭，以為自己未去過，見到自己無食過嘅餐廳通常冇比任何意見，就去啦。點知去到附近就覺得有少少印象，才知道10年前有一日約過一班舊同事喺度食飯，仲要係我自己揀。十年之前已經好多人會成日叫我選餐廳，記得當時要價錢唔天價，又要得體又要好食而又唔算fine dining嘅中餐，當時又無咁多budget，用一個唔錯嘅價錢係一個唔錯嘅地方食餐好嘅中菜，已經係幾難。好似今晚咁，地方舒適，服務好，食物質素，咁嘅中菜，市場上講真好多，但呢都好在有一個私隱度。玉蘭三小碟，全部都好精美，最喜歡係海哲頭同個加左好多麻油嘅萵筍，腐皮卷都好好。聽講脆煎灌湯小籠包好得，一定要食，夠底做得好脆，個包又有肉汁，肥美又好食。宋嫂魚羹係我最like嘅菜式，熱騰騰又足料，魚肉很孵，最重要佢維持到個溫度，熱到席上嘅女士都食左成個鐘先食得完成碗湯。朋友點嘅滿口香炸八塊，我完全唔知係咩，佢話賣關子，點知，上枱一刻，全部人都好驚奇。完全係好似KFC一桶雞一樣，只不過係差一個桶，無諗過係酒家都可以食到咁有創意嘅菜式，而味道更加係無諗過，炸得非常好，中菜用炸子雞嘅做法就叻，但佢地做
好少有啲餐廳去過冇印象，很久不見嘅朋友約食飯，地點就係紫玉蘭，以為自己未去過，見到自己無食過嘅餐廳通常冇比任何意見，就去啦。
點知去到附近就覺得有少少印象，才知道10年前有一日約過一班舊同事喺度食飯，仲要係我自己揀。
十年之前已經好多人會成日叫我選餐廳，記得當時要價錢唔天價，又要得體又要好食而又唔算fine dining嘅中餐，當時又無咁多budget，用一個唔錯嘅價錢係一個唔錯嘅地方食餐好嘅中菜，已經係幾難。
好似今晚咁，地方舒適，服務好，食物質素，咁嘅中菜，市場上講真好多，但呢都好在有一個私隱度。
玉蘭三小碟，全部都好精美，最喜歡係海哲頭同個加左好多麻油嘅萵筍，腐皮卷都好好。
聽講脆煎灌湯小籠包好得，一定要食，夠底做得好脆，個包又有肉汁，肥美又好食。
宋嫂魚羹係我最like嘅菜式，熱騰騰又足料，魚肉很孵，最重要佢維持到個溫度，熱到席上嘅女士都食左成個鐘先食得完成碗湯。
朋友點嘅滿口香炸八塊，我完全唔知係咩，佢話賣關子，點知，上枱一刻，全部人都好驚奇。
完全係好似KFC一桶雞一樣，只不過係差一個桶，無諗過係酒家都可以食到咁有創意嘅菜式，而味道更加係無諗過，炸得非常好，中菜用炸子雞嘅做法就叻，但佢地做炸雞原來都可以咁好。
北京蔥爆炒鮮牛肉，配上嘅仲有京點包點可以包住成件鮮牛肉同大量蔥絲食，就咁食就可能有少少鹹，送包就剛剛好。
龍蝦球麻婆豆腐係當晚最正嘅一個菜式，龍蝦肉完全唔駛搞就有得啖啖肉食，麻婆豆腐辣唔辣就見人見致，我就好鐘意，朋友話太辣，叫左個白飯，成碟一𣊬就清掉。
當然要吃一點菜式，金華火腿燉津白個津白真心好甜，金華火腿嘅質素係高質的。
愛上雪裡蕻絲炒年糕那種煙韌度，雪菜味度同年糕渾然天成，好配合。
甜品點了香格里桂花拉糕，做得勁靚，味道都對辦。
配合佢嘅位置，絕對係商務食飯嘅最好選擇，晚上同三五知已食就更佳，還記得那年一起來吃飯的那班同事，不知你們好嗎？
Post
