基地叁 (Closed)

尋晚五個朋友食西餐，又唔想成日去尖沙咀，朋友介紹底下就過咗嚟旺角基地叁試試菜餐廳交通非常方便，地鐵站一出就係👍🏻🥰三個女仔等緊兩個朋友底下，叫咗個頭盤試一試先意大利紅蝦薄切🦐通常都係比較價錢昂貴嘅餐廳會有，但係呢度都有得食，而且價錢性價比高💋我朋友叫我一定要點黑松露薯條🍟平時既餐廳一係黑松露味好重，一係剩係得薯條味，呢個黑松露薯條係兩者中和埋一齊啱啱好，一定要叫🍟玻璃紙焗比目魚🐟用咗檸檬同埋蕃茄🍋🍅主要配料焗，所以一d都唔腥，而且魚質夠嫩滑🐟慢煮西班牙豬肩🐷其實識食豬既一定知道靚既豬唔一定要全熟，七成已經係好足夠，呢度既豬肩就係煮到七成熟，肉質夠曬軟淋，食落咬口一流🤤入面既肥豬肉食落一d都唔漏，必食之選🐷🐖仲叫左一打生蠔🦪不過如果生蠔有多幾款選擇會較好🦪法式農場雞飯配鵝肝，必食，雞油同埋鵝肝油融入落飯入邊，飯香即時提升，好美味，鵝肝控的我如果多點鵝肝就好😍不過佢有大份同細份的，我地叫咗細份，唔夠食，下次一定要叫大份😍😍自選Pizza可以自選三款配菜🍕我地叫左煙三文魚，辣肉腸同沙樂美腸，Pizza邊夠脆口，芝士味濃郁🧀🍕仲有三杯特飲都好出色，唔會太甜🍹呢度環境紫色好夢幻💜而且坐得舒服夠曬