基地叁 (Closed)

好耐都冇去過呢種酒吧餐廳食嘢，今次呢間酒吧已經開到第三間分店，呢間裝修以紫色為主題，整個氛圍都感覺好神秘🙈，唔同座位都坐得好舒服，啱晒邊傾邊食邊飲～呢間酒吧餐廳嘅食物出品都好高質，用嘅材料新鮮，擺盤精緻，飲品名都好有特色，可以喺呢度同朋友過上成晚都得！------------------------------🐚◖基地叄～重奏◗ $138呢個三重奏分別有風乾火腿配蜜瓜、柚子漬海鮮、法式田螺～火腿配蜜瓜相對會普通少少，蜜瓜略嫌唔夠甜～柚子漬海鮮，有好多款海鮮包括蝦、帶子、魷魚、北寄貝、赤貝，每款都可以保持到鮮味彈牙，經過果漬後味道酸酸甜甜，好啱做開胃前菜，個人好鐘意！法式田螺口感軟腍，味道略嫌被蒜味遮蓋，但底下嘅薯蓉超Creamy幾出色！🐟◖玻璃紙焗比目魚◗ $228用玻璃紙包住去焗，保持到溫度，打開仲出晒煙，比目魚表面放咗檸檬同蕃茄，幾有層次，比目魚香煎過再焗，令香味昇華咗唔少，特別係嗰魚湯，混合埋檸檬汁，味道幾清新，又唔會覺得油膩～🦞 ◖龍蝦西班牙海鮮飯◗ $238飯表面鋪滿晒海鮮有半隻龍蝦、魷魚、蜆，龍蝦肉幾鮮甜大隻，肉質好瓷實彈牙，魷魚都好新鮮彈牙，嗰飯粒粒分明，但略嫌味道偏淡～