Video
Read full review
2016-05-17
349 views
又係食韓燒時間，今晚試韓牛套餐 (3-4人用，$785)。生肉用西式tea set架上枱，好優雅！先介紹豬肉，由上至下：護心肉爽口彈牙，豬排骨腍身入味，豬腩肉肥瘦適中唔肥膩，各有特色，大家可以夾生菜同泡菜同食，好美味！接住係主角韓牛，腍身無渣，有肉味，果然係主打！海鮮，大蝦鮮香，多春魚脆卜卜，兩樣都唔錯。(題外話，烤多春好容易黐底散開，想整靚D，店員教我地一個絕技：第一面烤十分鐘，熟左反轉再烤一分鐘，咁就得架啦，我地試過真係work，唔該晒呀！)芝士生蠔，原個錫紙杯放上烤爐，唔駛理好方便。芝士鹹香又creamy，加埋肥美既生蠔，一啖就「雪」左落肚。海鮮豆腐湯係熟食，夠辣夠刺激，豆腐好滑，另有大蝦同青口做餸，新鮮美味。最後想介紹下飲品同甜品，我呢杯係「魔法梳打」，遇上檸檬汁就會由藍變紫，好靚好得意。我響日本飲過同一款飲品，當時覺得無乜味道，反而呢杯既甜又酸，好飲，同烤肉一齊食好夾。紫薯冰沫 ($68) ，面頭係幾粒新鮮紫薯肉，入面係刨冰同小丸子，可以加煉奶黎食，但我覺得撈埋面頭既紫薯汁已經好好味，夠甜夠薯味，好正！
生肉用西式tea set架上枱，好優雅！
先介紹豬肉，由上至下：護心肉爽口彈牙，豬排骨腍身入味，豬腩肉肥瘦適中唔肥膩，各有特色，大家可以夾生菜同泡菜同食，好美味！
接住係主角韓牛，腍身無渣，有肉味，果然係主打！
海鮮，大蝦鮮香，多春魚脆卜卜，兩樣都唔錯。(題外話，烤多春好容易黐底散開，想整靚D，店員教我地一個絕技：第一面烤十分鐘，熟左反轉再烤一分鐘，咁就得架啦，我地試過真係work，唔該晒呀！)
芝士生蠔，原個錫紙杯放上烤爐，唔駛理好方便。芝士鹹香又creamy，加埋肥美既生蠔，一啖就「雪」左落肚。
海鮮豆腐湯係熟食，夠辣夠刺激，豆腐好滑，另有大蝦同青口做餸，新鮮美味。
最後想介紹下飲品同甜品，我呢杯係「魔法梳打」，遇上檸檬汁就會由藍變紫，好靚好得意。我響日本飲過同一款飲品，當時覺得無乜味道，反而呢杯既甜又酸，好飲，同烤肉一齊食好夾。
紫薯冰沫 ($68) ，面頭係幾粒新鮮紫薯肉，入面係刨冰同小丸子，可以加煉奶黎食，但我覺得撈埋面頭既紫薯汁已經好好味，夠甜夠薯味，好正！
Post
