Purple Cafe (Closed)

呢間Purple cafe 💟近排都幾hit, 主打紫色花海主題，無論門面同裡面既佈置都充滿心思及特色，岩哂既喜歡紫色，又喜歡打卡的美眉們黎潮聖一番💜。一入到去就已經有一個夢幻既吊椅，同埋花海既牆壁俾客人打卡，真係好靚呢。當日都幾爆場，好彩輪到我地既時候都仲有bar 枱位置。我覺得佢哋每一個角落既details 位都做得好好，例如每一張枱都會放一個紫色乾花瓶或水晶花瓶，連餐牌都係紫色，真係好賞心悅目💕。我同朋友各自叫左2個主食🍝同特飲🍷：▶️蟹柳蟹子意粉蟹柳蟹子既份量非常多，忌廉汁好軟滑，啲汁再配埋紫菜撈埋個意粉剛剛好，成個配搭好match, 帶點日系風。味道方面出奇地有驚喜，係必點之選💜。▶️卡邦尼意粉意粉用左扁意粉，個汁好creamy，帶出濃濃既cheese 味🧀，食落又吾會好膩。味道不錯👍🏻。飲品方面：💟蔚藍星空雪一上到黎，真係俾佢個天空藍吸引左，真心好靚。飲落去有濃濃既椰奶味，椰香超濃，再配上佢上面既cream,成杯飲品香濃軟滑，正！💜💟芝芝提子🍇呢個係推介之選，所以就叫左試試佢呢！芝士奶蓋再配上清新既提子🍇沙冰，芝士奶蓋超滑，帶出鹹既味道，再上提子既甜味，真係好夾，好fresh.