東海堂 (Closed)

以前細細個食西餅，都係食牛油蛋糕、果撻等等，而家d西餅真係靚好多，岀到咩款式都有。而東海堂既蛋糕都好有心思、而且外表都好靚，連熱烘烘既紫薯製品都有得食，等我試試先。沖繩紫薯朱古力切餅 $18首先，紫色花紋外表造型，面層鋪滿左香濃沖繩紫薯忌廉。入口啖啖都係濃濃而且有質感既紫薯。中間係配以朱古力蛋糕，朱古力味雖然唔濃，但係質感鬆軟。而夾層的沖繩紫薯忌廉及香滑牛乳慕絲層層相間，真係啖啖香甜唔膩，感動味蕾。