Video
Read full review
2015-07-13
507 views
之前見到雜誌介紹呢排紫薯大熱，出左好多唔同既食品，而小姐不嬲都好鍾意紫薯，貪佢顏色夠靚！所以今日同朋友食完晚餐黎呢到食埋個甜品，門口有個餐牌方便人多大家可以睇定食咩先。舖頭面積唔算太大，不過店內既裝修都好可愛，牆上有幅好大既畫，畫左好多隻紫薯公仔，好得意呀每隻都唔同表情，女孩子一定大愛，唔講真係以為係日本果啲卡通公仔。呢到除左紫薯味雪糕原來仲有海鹽味可以揀，貪心既小姐同朋友決定兩樣都試，所以黎個杯裝兩溝＄34，加左＄8要2個toppings, caramel sauce 同杏仁片，除番開每人都係$21。啲toppings又真係幾足料架喎，而且雪糕份量好大杯，食飽飯兩個人share一杯岩岩好。味道真係好特別好有驚喜，第一次食到紫薯味雪糕，估唔到係咁濃滑，淡淡既紫薯好香甜，口感好實在，直情係咬到啲紫薯蓉係入面，好鍾意個口感呀。海鹽味相對之下顯得無咁出色，成啖味道都咸咸地咁，無好特別，有啲似之前試過一間眼淚雪糕既味道，不過配埋焦糖一齊食又幾夾。但係相對溶得快啲，一拎起手已經水水地，無左雪糕個口感。整體夾埋一齊食味道層次豐富，特別又好味性價比頗高，炎炎夏日消"薯"同飯後甜品既好選擇！
所以今日同朋友食完晚餐黎呢到食埋個甜品，門口有個餐牌方便人多大家可以睇定食咩先。
舖頭面積唔算太大，不過店內既裝修都好可愛，牆上有幅好大既畫，畫左好多隻紫薯公仔，好得意呀每隻都唔同表情，女孩子一定大愛，唔講真係以為係日本果啲卡通公仔。
呢到除左紫薯味雪糕原來仲有海鹽味可以揀，貪心既小姐同朋友決定兩樣都試，所以黎個杯裝兩溝＄34，加左＄8要2個toppings, caramel sauce 同杏仁片，除番開每人都係$21。
啲toppings又真係幾足料架喎，而且雪糕份量好大杯，食飽飯兩個人share一杯岩岩好。味道真係好特別好有驚喜，第一次食到紫薯味雪糕，估唔到係咁濃滑，淡淡既紫薯好香甜，口感好實在，直情係咬到啲紫薯蓉係入面，好鍾意個口感呀。海鹽味相對之下顯得無咁出色，成啖味道都咸咸地咁，無好特別，有啲似之前試過一間眼淚雪糕既味道，不過配埋焦糖一齊食又幾夾。但係相對溶得快啲，一拎起手已經水水地，無左雪糕個口感。整體夾埋一齊食味道層次豐富，特別又好味性價比頗高，炎炎夏日消"薯"同飯後甜品既好選擇！
Other Info. :
店內面積較細，只有幾個坐位，人多時有心理準備連企位都無可能要拎走。
(The above review is the personal opinion of a user which does not represent OpenRice's point of view.)
Post
