Video
Read full review
2022-06-19
28 views
慶祝新婚食餐好，揀咗百年歷史嘅意大利過江龍Giovanni Pina。餐廳佈置以佛羅倫斯嘅紫藤花為主題，加上維港海景，非常適合打卡📸。🍴手工流心水牛芝士伴櫻桃茄配秘製羅勒欖油意大利陳醋汁 $168Burrata軟滑流心重奶香，配上黑蒜以及秘製羅勒香醋醬，味道層次豐富。羅勒香同蒜香出奇地溫和唔霸道，黑醋酸味亦唔會好刺激。🍴蒜片蕃茄白酒汁煮鮮青口 配意大利脆包片 $188餐廳採用紐西蘭鮮青口，大大隻飽滿彈牙。蕃茄白酒汁酸甜開胃，令脆包片都變成美食。🍴蟹肉南瓜忌廉湯配香草麵包條 $78味道濃郁香甜，質地幼滑。加上蟹肉絲多少少鮮味點綴。🍴烤八爪魚海鮮墨魚汁意大利飯 $268意大利飯表面係滿滿嘅海鮮🐙🦐。八爪魚經過炭火慢烤，鎖住鮮味之餘亦有明顯煙燻香。意大利飯口感煙韌，加上溫和幼滑嘅墨汁，味道口感都恰度好處，令人不顧儀態地食得開懷。🍴特級海鮮薄餅 $268品嚐各款海鮮依然意猶未盡，於是決定加個pizza🍕。即叫即製要等20分鐘，新鮮出爐外脆內軟。餅底麥香誘人，番茄味道唔重，反而更突出海鮮甜味。最誇張係每一片pizza都有帶子、鑽石蜆、蝦肉。帶子依然爽彈唔韌，相當有驚喜。🍴栗子薑朱古力慕絲 $52
🍴手工流心水牛芝士伴櫻桃茄
配秘製羅勒欖油意大利陳醋汁 $168
Burrata軟滑流心重奶香，配上黑蒜以及秘製羅勒香醋醬，味道層次豐富。羅勒香同蒜香出奇地溫和唔霸道，黑醋酸味亦唔會好刺激。
🍴蒜片蕃茄白酒汁煮鮮青口 配意大利脆包片 $188
餐廳採用紐西蘭鮮青口，大大隻飽滿彈牙。蕃茄白酒汁酸甜開胃，令脆包片都變成美食。
🍴蟹肉南瓜忌廉湯配香草麵包條 $78
味道濃郁香甜，質地幼滑。加上蟹肉絲多少少鮮味點綴。
🍴烤八爪魚海鮮墨魚汁意大利飯 $268
意大利飯表面係滿滿嘅海鮮🐙🦐。八爪魚經過炭火慢烤，鎖住鮮味之餘亦有明顯煙燻香。意大利飯口感煙韌，加上溫和幼滑嘅墨汁，味道口感都恰度好處，令人不顧儀態地食得開懷。
🍴特級海鮮薄餅 $268
品嚐各款海鮮依然意猶未盡，於是決定加個pizza🍕。即叫即製要等20分鐘，新鮮出爐外脆內軟。餅底麥香誘人，番茄味道唔重，反而更突出海鮮甜味。最誇張係每一片pizza都有帶子、鑽石蜆、蝦肉。帶子依然爽彈唔韌，相當有驚喜。
🍴栗子薑朱古力慕絲 $52
朱古力慕絲甘甜香滑，配搭清香嘅栗子🌰甜而不膩。加埋淡淡薑味更有特式。
🍴雙球意大利雪糕 $78
口味出乎意料地多，除咗我哋今次試嘅牛奶、開心果，仲有士多啤梨🍓、朱古力🍫、Tiramisu。意大利雪糕口感香滑，不過比較易溶。牛奶味有啲似牛奶糖，開心果味就比較清香。
☕️特濃朱古力 $58
以70%cacao嘅朱古力煮成，芳醇唔苦澀。
☕️藍花伯爵紅茶 $58
比起一般伯爵茶佛手柑味道冇咁突出，相對地會多少少花香。
Post
