Giovanni Pina Ristorante, Bar & Pasticceria (Closed)

星期三和老公去完M+後回家，回家前到北角吃晚餐，早一晚吃生日飯。餐廳天花有靚靚既紫藤花垂下來，好浪漫。我們叫了一個Chicken set和一個Pasta set。南瓜忌廉湯配香草麵包條南瓜湯好creamy，入口順滑，麵包條脆口。烤焗法國春雞配意大利紅酒汁雞肉好嫩滑，雞皮都好香脆，伴碟有豆、南瓜蓉、番茄仔，南瓜蓉甜甜地好好食，好綿滑。黑松露野菌忌廉汁意大利粉黑松露一片片，好高級，黑松露味非常濃郁，條條意粉都掛滿黑松露，好味。我揀左四件蛋糕，提拉米蘇、棋盤蛋糕、榛子朱古力慕絲、米蘭芝士蛋糕，食唔晒所以我外賣左兩件返屋企食。提拉米蘇同棋盤蛋糕都好軟熟，我鍾意前者多啲，兩個都唔太heavy。返到屋企搭正12:00拎榛子朱古力慕絲同米蘭芝士蛋糕出黎慶祝老公生日，我覺得呢兩件仲好食，好軟滑，味道又濃郁。飲品叫了凍檸茶同經典米蘭咖啡。