美心西餅 (尖沙咀站)

Open Now

Now Closed

食lunch嘅時候突然記得坐前面嘅同事今日生日,話曬都朝見口晚見面,點都要買個蛋糕同佢切下嘅。公司樓下嘅美心就係最佳嘅選擇， 價錢經濟又實惠， 粗粗地都收貨先啦。番到公司 ，夾埋幾個友好嘅同事，諗住搞一個驚喜嘅生日切餅儀式。點知大家擾攘一輪， 同事成盒蛋糕反轉咗， 已經驚動咗生日嗰位同事。好彩成盒反轉， 我哋只可以哈哈笑笑咁，交畀生日嘅同事。佢真係好有急才， 話大家祝佢事業會反底， 所以一啲都唔介意， 將個蛋糕放返好， 只係啲藍莓放亂咗。呢個蛋糕芝士味都好濃， 味道就偏甜， 係硬身芝士做成嘅， 芝士迷嘅我哋覺得佢不過不失， 咁嘅價錢可以再試。