Read full review
2017-04-16
501 views
呢間餐廳似乎係試業階段,所以部分招牌仲係用紅紙遮住,餐廳裝修有一半係典雅,一半就保留返傳統茶餐廳嘅風格,裝修風格見仁見智,但我覺得有啲不倫不類。嚟到想坐卡位,我見張梳化有好多食物碎👎,枱面好污糟,我又留意到周圍啲枱底有好多食物碎👎,應該係啲客留低,但侍應都無將佢清理,新餐廳嚟講,衛生唔能夠接受,侍應服務可以用"愛理不理"去形容👎,新開餐廳,點都要加多兩錢殷勤!肉絲炒麵份量唔多,賣相差👎,麵唔夠脆,肉絲同埋冬菇淡而無味👎👎,好似漿糊咁,零分。瑞士汁炒牛河雖然係呢度嘅招牌,但賣相好差,望落去乾爭爭,好處係唔會太油膩,牛肉無乜牛肉味,成個瑞士汁炒牛河只算係普通嘅乾炒牛河,因為瑞士汁炒牛河應該係比較濕潤,同埋豉油甜味較重,招牌都失敗!👎奶茶上枱前侍應已將我杯奶茶倒瀉到成個碟都係👎👎,真係太唔小心,佢放低轉頭就走,無諗住抹番好佢!!👎👎,奶茶味道方面,茶煲得過火喇,有澀味,而且奶味太重,成杯奶茶嘅平衡錯晒,同華星冰室和太興嘅奶茶相差好遠,零分。總括一句,呢度裝修個人認為不倫不類,服務十分差,衛生好差,食物賣相差,食物味道差,奶茶差,希望佢地努力改善,對不起,今次只能夠俾劣評。
肉絲炒麵
份量唔多,賣相差👎,麵唔夠脆,肉絲同埋冬菇淡而無味👎👎,好似漿糊咁,零分。
雖然係呢度嘅招牌,但賣相好差,望落去乾爭爭,好處係唔會太油膩,牛肉無乜牛肉味,成個瑞士汁炒牛河只算係普通嘅乾炒牛河,因為瑞士汁炒牛河應該係比較濕潤,同埋豉油甜味較重,招牌都失敗!👎
上枱前侍應已將我杯奶茶倒瀉到成個碟都係👎👎,真係太唔小心,佢放低轉頭就走,無諗住抹番好佢!!👎👎,奶茶味道方面,茶煲得過火喇,有澀味,而且奶味太重,成杯奶茶嘅平衡錯晒,同華星冰室和太興嘅奶茶相差好遠,零分。
Post